شكيت جرحي للبحر

[عايد]

شكيت جرحي للبحر

شكيت جرحي للبحر قال .. تكبر
وتشوف منهم في حياتك .. غرابة !!


نطقت له .. تكفى .. إذا .. كنت تقدر ..
عندي سؤال بس ..؟؟ .. ناقص .. إجابة !!


ليه القلوب اللي نبي دوم تغدر ؟؟
وليه الحزن يفرض علينا .. ثيابه ؟؟


قال .. الكسر .. ما ظنتي يوم يجبر
إلا إذا .. اللي راح أعلن إيابه ..!!


قلت .. الوفا بين البشر .. ليه يندر ..؟؟
ليه الغلا بالناس سهل إنقلابه .؟؟


قال .. البشر .. طبعه غدر بس أصبر .
وأعرف .. ترى نصف الوجيه .. تشابه .!!


دنياك .. لو تصفي .. فلابد . تكدر
وتشوف شيب العمر .. بعد الصبابه .!!


وإن كان .. تبغى الحل .. من قبل يصدر
خلك حريص تعيش .. كلك . مهابه ..!!


من قبل دمع العين بالحزن .. يحدر ..
من قبل لا وقتك يعضك . بنابه .!!


وقتك غريب ومثلك اليوم .. يندر
يندر تعيش بطيبتك .. وسط غابه .!!


باقول كلمة . وأذكره .. دوم وأخبر ..
وأذكر .. كلامي لك إجابه . إجابه ..!!


لا تقول .. أنا .. فاهم .. على الناس أقدر ..
أقدر أميّز من دروسي . كتابه !!


صدقني .. هذا وقت .. خاين .. ويغدر ..
لو .. أنتِ ذيبه.. تخون .. فيكِ الذيابه

[عايد]

ارجو نقل القصيده لواحة
الشعر المنقول

[رذاذ]

صح لسانك أستاذ عايد
على هذه القصيده الجميله ...
كل الشكر لك على هذا التواجد الراقي

رذاذ

[بقآيآ .. حرف]

شكيت جرحي للبحر قال .. تكبر
وتشوف منهم في حياتك .. غرابة !!

أسأل الله السلامه
أخي عايد ألف شكر لك على الأبداع والتواجد المميز
أبيات رآآقت لي كثيراً فهي قريبه من الواقع
كل التحايا

[تناهيد]

لا تقول .. أنا .. فاهم .. على الناس أقدر ..
أقدر أميّز من دروسي . كتابه !!
صدقني .. هذا وقت .. خاين .. ويغدر ..
لو .. أنتِ ذيبه.. تخون .. فيكِ الذيابه

صح ذوووقك ياعايد
الله يعطيك العافيه

[عايد]

الشاعره المتمكنه والمشرفه القديره السيده والأخت الكريمه رذاذ
صح بدنكِ واشكر لكِ سيدتي حضوركِ ومتابعتكِ الكريمه .. لاعدمناكِ
تقبلي مني كل الوود والاحترام لشخصكِ الكريم

[عايد]

المشرف والاستاذ والاخ الكريم أبو خالد
كل الشكر والعرفان على مرورك ومتابعتك الكريمه .. لاخلا ولاعدم
تقبل كل الود والاحترام لشخصك الكريم

[عايد]

صح بدنكِ شاعرتنا واختنا تناااااهيد
وكل الشكر على هذا المرور العطر والمتابعه الكريمه من قِبلك سيدتي
تقبلي مني كل الود والتقدير لشخصكِ الكريم