الشنطة الدنلوماسية

[سمو المشاعر]

فتحـت شنطـه قديمـه دبلماسيـه

لقيت فيهـا بقايـا مـن رسايلهـا

قلوب متشابكـه واشكـال ورديـه

من غير نبض الحروف اللي بداخلها

مسحت عنها غبار الوقـت بيديـه

والليل كلـه وانـا اقراهـا واحللها

اقرا الرسالـه واذا غلقـت بشويـه

اعيد واقرا من آخرها الـى اولهـا

قمت اذرف دموع مربوعه ومثنيـه

هي سيلـت نفسهـا قـدام اسيلهـا

ردت علي قصتي ذيـك الغراميـه

وعشت لآخر دقيقه فـي مسلسلهـا

كلامها "عينهـا نبضاتهـا الحيـه

لمسة يديهـا ومغناطيـس اناملهـا

وايام كانـت ولازالـت رومنسيـه

عايشتهـا العـام واليـوم آتخيلهـا

هيهات مايرجع اللي فـات موليـه

يامشغل الروح لاتكثـر مشاغلهـا

ياربي استر عليهـا كانهـا حيـه

وان كانها ميته فـي الجنـه اقبلهـا


مم رآآآآق لي

[حـــــارب]

صح ذوقك ، ودامت لنا طلتك ..

[عايد]

شاعرنا الكريم صح ذوووقك
تقبل مني كل الود والاحترام

[بقآيآ .. حرف]

ياربي استر عليهـا كانهـا حيـه

وان كانها ميته فـي الجنـه اقبلهـا

صح أختيارك وذوقك أخي
الشيخي
سعدت بتواجدك ومشاركتك شاعرنا
كل التحايا

[سمو المشاعر]

المشاركة الأصلية كتبت بواسطة حـــــارب

صح ذوقك ، ودامت لنا طلتك ..

صح بدنك شرفني تواجدك لاهنت

[سمو المشاعر]

المشاركة الأصلية كتبت بواسطة عايد

شاعرنا الكريم صح ذوووقك
تقبل مني كل الود والاحترام

اخي عايد صح بدنك ومما عندك لاهنت

خالص الود والتقدير

[سمو المشاعر]

المشاركة الأصلية كتبت بواسطة بقآيآ .. حرف

ياربي استر عليهـا كانهـا حيـه

وان كانها ميته فـي الجنـه اقبلهـا

صح أختيارك وذوقك أخي
الشيخي
سعدت بتواجدك ومشاركتك شاعرنا
كل التحايا

مشرفنا الكريم اخي محمد صح بدنك وكلك
تشرفت بمرورك العاطر

شكري وتقديري