واسمحولي إدارة ومشرفين وأعضاء أنقل لكم وصف الحالة على لسان أحد شعار الكويت
جانا هدام السيسان
اللي كونه ما قد كان
جانا بدخول رمضان
على أول يوم صمناه
لو ما حنا بالسحور
ما بقي منا مرور
قبرنا من غير قبور
كل بيته صار غطاه
مزنةٍ ماها حقوق
جتنا من جبلة تسوق
نوها ما فيه افتوق
وامطرت بامر الاله
امطرت من غير سوق
زلزلت فيها ملوك
واستوت دك ودكوك
ماهقينا بالحياه
شفنا شي ماكد صار
ما حكوا فيه الكبار
سوت بالنفود ابحار
شفنا شي ما شفناه
السكيك الها هدير
من مشى فيها خطير
كن في وادي حمير
اليا صار اليا هي هواه
غبة من كل صوب
يوم هبت بالهبوب
كلن نار بطرق الثوب
ما تصرف بالعباه
واللي بيته بالشعيب
ما حوله ملجاً قريب
كنه في زرق الغبيب
لولا الهوري محدن جاه
الف بيت من الاسلام
كلهم راحو عدام
ما نعد الا الخراب
اللي حدريه واعلاه
البيوت الها طحيح
والورعان كلن يصيح
والحريم الهن فحيح
نايراتٍ للصفاة
زابنين اهل العشاش
كلن زابنهم منحاش
هجوا داهشهم دهاش
شالهم بأول ممشاه
واهل البطي وكيفان
قشهم طب الخيران
واصبحوا مثل الفيران
اللي في رووس النباه
واللي عنده راس مال
اصبح يركض للدلال
جاب خيام وجاب حبال
حطه بالحوش وبناه
والتجار الميسورين
اعذروا من بيت الطين
عقب ما شافوا بالعين
ما يبون الاّ فرقاه
2013-04-23, 08:30 PM
العرض الشجري