لاواهني اللي عن الحب داله

[رذاذ]

المشاركة الأصلية كتبت بواسطة سآهر الليل

للتواصل .. ابيات متواضعه ارجو ان تحوز على رضاكم










لاواهني اللي عن الحب داله
ماغاص في بحره وتاه بصحاريه

ماجرب إحساس الهوى واشتعاله
ولا فز من نومه على شان طاريه

ماشاف نهاب القلوب وعدا له
ولازادت أشواقه وهلت عباريه

غرون عديم الوصف فآتن جماله
بدر التمام بليل .. من هو يجاريه ؟

سطا غرامه ثم وثق حباله
ولا تلحقه مني حقوق ومشاريه

ياوجد حالي يوم اوقف قباله
وجد اليتيم اللي يبي من يداريه

لا شافه المهبول زود هباله
ولا شافه الصاحي يموت بحساريه

من ذاق توته مايدور بداله
ومن شم عطره قال شاريه شاريه

هذا رذاذه ماقويت احتماله
وش لون هماله وسيله يباريه



ســـــــــــــآهر

صح لسانك ساهر الليل ابدعت
حماك ربي

رذاذ

[سآهر الليل]

[/COLOR][/quote]

حي البيوت وحي راع المجاراه
وحي الورود اللي وصلني شذآها

ياشاعره صرح الاحآسيس تزهاه
وثوب المشاعر والجزآيل كسآها

تستاهلين الطيب والعز والجاه
واحلى قصيده فيك واسع صداها

يآمرحبا مليون ومليون تقفاه
باللي كنوز الكون كله فداها