الصيف له حل وله وقت معلوم

[غانم الضومري]

المشاركة الأصلية كتبت بواسطة الركام

الصيف له حل وله وقت معلوم

لا واعـذاب اللي شكى قلـت الـنـوم == راح الـبراد ولابقى الا المكـيّف

راحت حراوي شوفت البرق وغيوم == و لا بقى الا شوفـته للـمصيّف

وراح النسـيم وحـلت رياح وسمـوم == ولا احد سلم سمين والا نحيّف

طول علينا الوقت وزداد بهموم == نرقب طـلوع سهـيل لوهو يصيّف

واللي معه دنيا فلا هوب محروم == يسافر ولا يبقى سوى ذا الضعيّف

بعض العرب مهوب يقدر على السوم == حتى المكيف صار عنده كليّف

وان كان زاد الحـر وافـق بعـد صـوم == فصبر على حره بجسم رهيّف

والصـيف له حل و له وقـت معـلـوم == يزيد عـن اربع شـهـور ونـيّف

لا واهـني الـطــير ليمـن بغـى يحـوم == يقـوله اللي اخـر اسـمه خريّف

الركام

لا صار ما تقدر معاهم تصيف
خل الإجازه كلها نوم في نوم

كبر فراشـــــك تحت برد المكيف
مالك ومال الهجوله مانت ملزوم

وان كان وضعك ياصديقي مريف
خلك مثل طير شلع وابعد الحوم


هناك تلقى لك مكانٍ نظّيــــف
إما هنا زحمه تخليك مكتـوم



معذرة ركام .. كنت أفتكر أنني رديت ..

رائعه أتت بوقتها .!

يعجبني الشاعر الذي يكتب في كل مناسبة ..

وأنت ياركام لك في كل ساحةٍ باحةٍ .


تحيتي