من ارشيف مكتبتي وهي مرثيه
قلبي من الفرقا مصـــــــوب ومــــجروح
صوابٍ فضع من صـــــــواب الســـلاحي
جرح الســـــــــلاح مع الزمن يمكن يروح
ولاظن جرح البعد يمـــــــــحاه مـــــاحي
ينوح مثل اللي على قمـــــــــــــة الدوح
مــــــــــدري طرب والا من الحزن ناحي
ويومي اوماي اغصون سدرٍ بصحصوح
هبت عليهــــــــــا عاتيـــــــات الرياحي
والعين عبرتهـــا من اجفانـــــــها اتفوح
تبكي وطرفه بالكـــرى مســـــــــتراحي
بي ضــــــــــيقةٍ متمكنه عيت اتروح
واللي يســــــــــليني من الناس راحي
اخر عهــــد شفته مســــــــجل على لوح
من منـــــظره كن الحشـــــا به ارماحي
هيـــــــكل جســــم ناحل مكفن بلا روح
لو صــــحت مارده علي الصيــــــــاحي
رائعة ليس فيها ما يمنع نشرها ـ
فكرتها الفرقى ـ
ناقشت الفكرة من أكثر زواياها بكل تسلسل وأريحية .
حب عذري عفيف .
لا يخدش الحياء ،
ويسمو بالحب إلى أعلى مراتبه
إنها من الشعر العذب القراح ..
تحيتي
2012-05-30, 05:17 PM
العرض الشجري