بـ اقدع معَ جنّ السهر ..!

[كمال البدور]

بـ اقدع معَ جنّ السهر لأجل طرياك
........ يا اللي خذيت من البشر كل حالي
بـ أذكر لهم [همّ الملاقاة ويّاك] !
........ وأرسل توابع تجبرك في وصالي
هُم شايفني كيف سوّت سواياك
........ يراقبون الحزن وشلون جا لي
يكتم على صدري جثوم بـ نواياك
........ وأصبح أشوف أزوالهم في خيالي
واحد يداعب غترته يشبه قفاك
........ واحد صرعني يشبهك في وصالي
مير أن عيني ما تبي غير ذكراك
........ أبكيك يكسرني جنوني لحالي
أخاف لكن خوف ما هو بشرواك
........ مير أنت خوفك غير يا هُمّلالي
يطرق على صبحي من الونّ مثواك
........ وشلون صاير في وجودي وبالي
وحده تناديني ( شهد ويش مغناك) !
........وتقلّد أصواتك بصحرآ خوالي
وأحسّهم لا جيت أدوّر بقاياك
........شبوا بي التفكير فوق احتمالي
جنّية الوجعه بصدري تبنّاك
........ وشلون أخاف ومثل جرحك توالي !

اجمل تعبير واصدق كلمات
صح لسانك ولسان القايل
اختيار وذوق عالي جدا"
دقة في التعبير
من قلبي اشكرك سراب