قصيده سيخلدها التاريخ لجزالتها
ومناسبتها رائعه ليس المجال لذكرها !
مهما يكون الشعور اللي علي بادي = لازلت انا الوارد اللي ماطوى حبله
على القراح الزلالي طال تردادي = اشرب واصدّر ضما مدري وش اشرب له ؟!
يامن تغاربتي اغيابي وهو عادي ! = بُعد الرجل عن دواعي ذله اهيب له
ماامشي قبل لااعرف الوجهه بلا قادي = ولااصلّي الا وانا متقبّل القبله !
منزالي النايفه عن حدري الوادي ! = ورجل(ن) يجي في مسيل السيل ياهبله !
ابعدت مالي غرض في ذل مقعادي = مادام يلعب لي الذعذاع والعب له !
ماني لعرفي مع اهل العرف مترادي = لاشك كبدي من اللي شفت مندبله !
يالاقية خير هاك العلم للغادي !! = اللي عجز يفرق الشيحه من الربله !!
امانتك بلغيه لكل حسادي = لاغارت الكدش وكحيلان باسطبله !!
انا اول العشر ماني للعشر حادي = مالك ومال افتراض الجاهل الابله !!
يموت انا حاسدي ماياصل ابعادي = مني نجوم السما لو يفهم اقرب له !!
ولابد مالهايج المايج يجي هادي = وكل(ن) يشاف المكان اللي يناسب له !
إن مت مات النبي واباي واجدادي = ومادام لي يوم ماني ميّت(ن) قبله !!
شاعر القريات / عبدالرزاق الهذيل
2011-12-12, 08:45 PM
العرض الشجري