محمد السديري

[فتى الرابيه]

هذه قصيدة رد على الشاعر مرشدالبذال رحمه الله وهذه قصيد مرشد المسنده للسديري رحمه الله
وشكرا لك على هذا الاختيار الرائع
-----------------------------------------------------
اليوم في قلبـي مـن الوجـد لهـاف ==أخطف أخبـار الطراقـي تخاطيـف
سمعت علـمً حـط بالقلـب رجاف == وامسيت من علم الخبرخارب الكيـف
ياسعود ياعلـه خبـر كـل مزهـاف ==ماكان ينسب مـن رجـال عواريـف
ياسعود مـن دورات الأيـام ينخـاف ==كل النفـوس معرضـه للصواديـف
الله مـن وجـدٍ للأفكـار خـطّـاف ==ومـن ونـةٍ ماتحتملهـا السراجيـف
والعين كن ألها عن النـوم عصّـاف ==مالي جدى إلا قول ياحيـف ياحيـف
النوم والمطعـوم والضحـك ينعـاف ==لين أفهم المعنـى بكـل التواصيـف
أما ضحكت من الفرح ضحك ميلاف ==وإلا عملت لطربـت البـال توقيـف
ياليتنـي لأسـرار الأخبـار عـرّاف ==اليوم أسنع وش خبر مكـرم الضيـف
أمـا لقيتـه مثـل حـرً بمـشـراف ==وإلا صفقت الكـف بالكـف تعريـف
ليت الدبور اللـي للأعمـار قصّـاف ==يمنع عن اللي فعل يمناه قـد شيـف
مانيب من حبـي لأبـو زيـد لفّـاف ==محبـة ترجـع لكسـب المصاريـف
أنا غرامي ربعـة النـاس الأشـراف ==فهود الرجال اللي عليهـم تحاسيـف
اللي لهم في مرقـب المجـد ميقـاف ==وأمداحهـم توكيـد ماهيـب تزييـف
الطيب لو أنه علـى الغيـر ينشـاف ==لازم تجي لـه بالمجالـس سواليـف
وإلا الردي لو هو جمع كل الأصناف ==مال وجمـال ونـال كـل التكاليـف
مثل السراب اللي على البعد ينشـاف ==ولا ينقذ العطشان من حومة الصيـف
هذا هواي وكل نـاس بهـا أهـداف ==والخير يحكم فيـه والظـن تهديـف
ومن يدعي بكمالـة العـرف مانـاف ==ومن عاف فكر الناس في فكرهم عيف
وأنا سبب تكوين فكري هالأوصـاف ==ماهو طرب وإلا بعـد زود تصنيـف
لي صاحب يحسد عواريف الأصداف ==سمعت علم عنـه مكـروه ومخيـف
ياسعود شفّـي كـان ردت للأشفـاف ==علمً ينظف مخـزن الشـك تنظيـف
تقبلوا تحياتي