خلاص لاترجع

[الاطلسي]

المشاركة الأصلية كتبت بواسطة نسمات نور

السلام عليكم ورحمة الله وبركاته

صــح لسانك وكلك وتسلم أخوي الاطلسي
والله يعطيــك العافيه واسمحولي لي ملاحظه بسيطه
على القصيدة فيها نقص في بعض الابيات وفيها لخبطه في الابيات
تحياتي لك متمنية منك قبول مدخلاتي وشكرا ًحفظك الله ورعاك
وهذه القصيدة كامله
خلاص لا ترجـع ترانـا سلينـا
ما كنت أصدق يوم اني أبنسـاك

في بعدكـم يامـا عليكـم بكينـا
واليوم ماتطري على البال طرياك

وأنا ادري انك رغم صدك تبينـا
لا شك ناسٍ ضدنا تقصر اخطـاك

من سكرة الحب الصناعي صحينا
حتى المجالس عفتها خوف ذكراك

خل اللذي غيـر حنانـك علينـا
يعطيك من قلبه ربـع ماعطينـاك

بحــــلام ليلي لو خيــــالك يجينا
قضيت تالي اليل في دفن ذكراك

وش عاد لا صار السلام بيدينـا
قلبي وقلبك بينهـا دارت افـلاك

ودعت ماضـي حبنـا وانتهينـا
وقلبٍ نسيته يوم لا بـد ينسـاك

ذكـراك ياغـدار هانـت علينـا
حتى دموع العين فرحة بافرقـاك

حبٍ جديـدٍ غيـر حبـك لقينـا
حديتنـي جعـل الليالـي تحـداك

الشاعر :عبدالله العليوي( رحمة الله)

مشكور نسمات
لو القصيده لي صارت حلالك
الله يرحم شاعرنا
ماعندك مشكله في التصحيح الخطأ وارد ويكفي مرورك