| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-12-21, 01:45 PM
|
|||
|
|||
صنيتان ابن سويط "قصة ذبح الضنا
السلام عليكم و رحمة الله و بركاته قصة ذبح الضنا حدثت هذه القصة اثناء مشيخة جعيلان بن نايف بن سلطان بن سويط على قبيلة الظفير حيث كان لاخيه الاكبر صنيتان جارا و هو عبدالله بن منديل من شيوخ العمور من بني خالد.. الحاصل كالتالي.. راحوا الشباب يبون يحوفون حدا هالقبايل اللي حولهم و معهم عادل بن منديل و هو عقيدهم و هم بوجهتهم واجههم ضاري بن صنيتان سألهم عن وجهتهم قالوا حيافه قال انا معكم.. يوم تقدم ابن منديل قال ضاري .. ارجع وراك انا العقيد قال ابن منديل .. انت لاحقنا لحق يا ضاري قال ضاري .. انا امير قال ابن منديل .. و انا شيخ و لاني صغير شان سألوا الحاضرين من الشباب عن رايهم قالوا مالك حق يا ضاري انت لاحقنا و حنا رايحين بلياك وافق ضاري على عقادة ابن منديل لكنها في نفسه.. حافوا و جاب لهم الله كسب.. ويوم جا ابن منديل يقسم قال ضاري.. الشداد لي و عيا ابن منديل صار بينهم مبارزة و ضربه ضاري في ورا ركبته اليسار و قام ينزف ابن منديل الين مات رجعوا الركايب على اهلهم .. و ابن منديل( الاب ) قاعد بمجلس صنيتان (والد ضاري) يوم بحّر صنيتان و الا ذلول الخالدي ما عليها احد... قال صنيتان .. ولّي .. ولّي يقطعك من روحة اللي ما جدع به الا قصيري قال واحد من الشباب... قصيرك ذبحوه ولدك يوم قب المجلس و الناس سادها الصمت و انبهتت و ابن منديل سالت دمعته و قام من المجلس.. صنيتان بلش ما يدري شالعمل.. يوم اخذ شوي الا و تصيح جارته الخالديه ام الولد يوم سمعها و هو يبكي قال الامير جعيلان .. علامك تبكي يا صنيتان... قال صنيتان .. اسمع جارتي تصيح قال الامير.. صيدك جارتك؟؟ قال صنيتان .. اي بالله جارتي قال .. تبيا تسكت؟! قال.. تكفى يا جعيلان قال.. صيّح حريمك ( بمعنى اذبح ولدك) قال .. ان صيحتهن تسكت قال .. ان شاء الله تسكت قال قم يا حمود اذبحوه قال حمود.. ليه ما تذبحوه انت قال .. هذا ولدي و الله ان ذبحتوه لاغز الرمح بكبدي قال حمود .. انا اذبحه و قاموا الناس يهدونهم قالوا يا صنيتان اركد اركد لا تستعجل يمكن جارك يتنازل و لا يبي منك الا الديه اركد لا تذبح ولدك قال صنيتان:::::: يتنازل..لا و الله اللي ما طلبت منه تنازل هو رجال يوم ضاقت عليه الدنيا اختارني انا من بين الناس و جاورني.. يبيني عون له على الدنيا و يبي عندي الستر.. و اروح ادوّر منه تنازل حرام ما خليت جارتي تصيح و السويطيات كل وحدة بحضن رجله مستانسه اذبحوه يا حمود اذبحوه و قام حمود و قص راسه قصاص لجاره و من القصائد القديمه اللي توثق السالفة قصيدة الشاعر ابراهيم بن جعيثن يقول الطايلة اخذهـا السويطـي صنيتـان من دون جاره صار للشـر ماحـي يوم انتحى فرخ ٍ من الوكر سكـران صاده حمود و برقعـه و استراحـي و انشد من المشهد ليا قصر بـرزان و ما حدرت نبعه و قصر ابن ضاحي و ايضا يقول شاعر من سدير عيال السويط اللي لهم ذكر و افنان افعالهم تذكـر و لا هـي خفيـة للجار ما ساقوا مخاسير و اثمـان و ذكوا ولدهم مثل ذك الضحيـة و الحثربي فكوه من سبع سلفـان و ذود الفراوي جـا بليـا دعيـة و يقول راشد الخلاوي عندما شاف واحد و هقا انه منهم لعل ما انتم من قديمين الافعال اللي ذبح سرة فـؤاده لجـاره و يقول الشاعر شباط الجاسمي الاولـه قصيرهـم دوم يحـشـم نفسه على الزلات حازوا رضاها ذبحة ولدهـم بالتواريـخ ترسـم اللي عرف تاريخهم مـا نساهـا اذبحوه عند الجـار قبـل يتفلهـم و جلوا عن الكبد العذيه صداهـا و امر بذبحة والـده مـا تهضـم سويطات ساقت جارها من ضناها وصارت مضرباً للمثل في التضحية والوفاء لحق الجيرة ولذلك قال الشمالي عاتباً على شخص سكت على إهانة جاره ويذكره بفعل صنيتان ابن سويط " ماتقعدك نية صنيتان مـن راس اللي نفل تال العرب واول الجيل ابن سويط عرب الاجداد والساس قشع ذرى راسه عن القال والقيل وخذوا معطرة النمش كل نوماس ولولاه تخبر قيل هـذي تهاويـل والسلام عليكم ورحمة الله وبركاته مـ/ن
|
|
#2
2010-12-21, 02:04 PM
|
||||
|
||||
|
قصة وقصيده طيبه
|
|
#3
2010-12-21, 06:46 PM
|
||||
|
||||
|
لعل ما انتم من قديمين الافعال
|
|
#5
2010-12-21, 09:36 PM
|
|||
|
|||
|
اقتباس:
تحياتي لك اخوي جبال فيفا يشرفني مرورك يالغالي
|
|
#8
2010-12-21, 09:59 PM
|
|||
|
|||
|
مشكوووووور والله يعطيك الف عافيه
|
|
|
|
العرض العادي
