*** قصائدي ***

[الركام]

لا واعـذاب اللي شكى قلـت الـنـوم
راح الـبراد ولابقى الا المكـيّف


راحت حراوي شوفت البرق وغيوم
و لا بقى الا شوفـته للـمصيّف


وراح النسـيم وحـلت رياح وسمـوم
ولا احد سلم سمين والا نحيّف


طول علينا الوقت وزداد بهموم
نرقب طـلوع سهـيل لوهو يصيّف


واللي معه دنيا فلا هوب محروم
يسافر ولا يبقى سوى ذا الضعيّف


بعض العرب مهوب يقدر على السوم
حتى المكيف صار عنده كليّف


وان كان زاد الحـر و وافـق بعـد صـوم
فاصبر على حره بجسم رهيّف


والصـيف له حل و له وقـت معـلـوم
يزيد عـن اربع شـهـور ونـيّف


لا واهـني الـطــير ليمـن بغـى يحـوم
يقـوله اللي اخـر اسـمه خريّف


ابراهيم بن سعود الخريف