[align=CENTER][table1="width:85%;background-image:url('https://www.albrari.com/vb/mwaextraedit2/backgrounds/22.gif');border:10px inset orange;"][cell="filter:;"][align=center]
[frame="5 80"]
السلام عليكم ورحمة الله وبركاته
مافي جعبتي اليوم طريقة السمك بالقصدير
نوع السمك : نويبي
الخلطة عبارة عن : 4فصوص ثوم –نص حبة تمر هند
منقعة بماء دافيء ومصفاه – عصير ليمونة – بزار سمك
فلفل اسود وملح
الحشوة : فلفل بارد وحار حسب الرغبة – طماط – كرفس او
بقدونس – بصل اخضر وبصل عادي – شبنت
نقطعها كلها صغيرة ونخلط عليها
(لومي اسود مطحون –كمون – شوية ملح –شوية عصير ليمون
زيت زيتون)
نشوف الطريقة مع بعض
بسم الله الرحمن الرحيم
نغسل السمك وننظفه تمام
نشطب السمك من الداخل بالسكين علشان يتشرب الخلطة
نصب الخلطة اللي قلناها فوق
ونقفل السمك ونشطبه من برا
نصب باقي الخلطة عليه من برا
ونغطيه بسفرة نظيفة
ونحفظه بالثلاجة لمدة 3-4 ساعات
وبعد انتهاء المدة نطلعه من الثلاجة
ونضيف عليه بهارت (بزار سمك-فلفل اسود-زنجبيل مطحون-كمون –وزيادة ملح )
نحط الحشوة داخل بطن السمك
ونقفل السمك
والحين نضبط السمك بالقصدير
نسوي طبقتين من القصدير كبيرة ونحط السمكة بالنص ونضيف
على السمكة زيت زيتون وقليل من خلطة السمك والزايد من الحشوة
منظرها من اعلى
ونلف القصدير على السمكة بحذر
ونقفل من عند الذيل والراس تمام
وهذي طريقة لف ثانية
وبكذا جاهزين الحبايب بسم الله عليهم
نحطهم بالفرن على الشبك مباشرة
ونشغل النار من فوق وتحت
ونخليها بالفرن حوالي ساعة ونص
وبعدين نفتح القصدير علشان نحمرها
كذا بعد ما انتهت واخذنا نصيب الجارة منها ههههههه
وهذا شكلها من الداخل والريحة يم يم
وزينوها بكيفكم وبالف عافية
الحلو بهالطبخة ان السمك مايطلع ريحة زفر بالبيت
لكن لابد من بخور قشور البرتقال او الليمون بعد السمك
والف صحة وعافية على قلوبكم
(الحمد لله الذي أطعمني هذا و رزقنيه من غير حول مني ولا قوة)
محبتكم
سراب
[/frame][/align][/cell][/table1][/align]
2012-03-13, 08:50 PM
حياكم على سمك القصدير بالفرن يمي يمي
العرض المتطور
