للسيدات ...طريقة سراب لتجميد المعجنات

[سراب]

[align=CENTER][table1="width:85%;background-color:orange;border:10px outset black;"][cell="filter:;"][align=center]
[align=CENTER][table1="width:80%;background-color:black;border:10px inset orangered;"][cell="filter:;"][align=center]

السلام عليكم ورحمة الله

الحاجة للتجميد تكون ملحة احيانا وخاصة
لما يكون ضيوفك كثير
او انك تكوني انسانة مشغولة باستمرار
ممكن تتفرغي يوم وتسوين اللي تبغين من المعجنات وتجمدينها لحين الحاجة

واليوم حبيت اعطيكم من خبرتي بالمطبخ
طريقة لتجميد المعجنات واللي عندها افكار ممكن تضيفها نفيد فيها
اللي يحتاجون النصيحة

بالنسبة للفطاير

اعجني العجينة ولما تبدا تختمر على طول احشيها بالحشوة اللي تبغين
كأنك بتسوينها الحين
وحطيها بصينية مرشوشة طحين صفيها كل وحدة بروحها وبعديهم عن بعض شوي
ولما تخلصين الحشوة كلها
غطي الصينية بكيس بلاستيك علشان ما تنشف الفطاير وحطيها بالفريزر ولما تجمد تلقين كل حبة بروحها
حطيها بحافظة بلاستيك زي هذي

وكل ما حطيتي طبقة غطيها بكيس تغليف زي هذي

بس من فوق علشان تحطين الطبقة الثانية فوقها
وهذا يمنع التصاق الفطاير ببعضها

واذا بغيتي تستخدمينها طلعيها برا شوي لما تفك من الثلج ودخليها الفرن
والا اذا عارفة انه بكرة يزورونك ناس نزليها من الفريزر الى الثلاجة تحت بالليل وثاني يوم سويها
والبيتزا نفس الشي قطعيها وفرزنيها بنفس الطريقة بس لاتحطين الحشوة ولا الكتشب
اذا بغيتي تطبخينها نفس الفطاير خليها تفك شوي وحطي الكتشب والحشوة وعلى طول للفرن

السمبوسة

حطيها بصينية كبيرة وجمديها
وبعد ما تجمد رصيها بالحافظة البلاستيك نفس الفطاير ولا تنسين البلاستيك الشفاف بين الطبقات

الكبة

نفس السمبوسة بس الفرق انك تحطيها بصينية مدهونة كل حبة تبعد عن الثانية بشوي
ولما تجمد حطيها بحافظات البلاستيك

وادعو لي اتمنى الموضوع
نفعتكم بشي

محبتكم

[/align][/cell][/table1][/align][/align][/cell][/table1][/align]

[التراثي]

بارك الله فيك اختي سراب ونفع بك اخوانك
ماقصرتي ماشاء الله دائماً مبدعه
شكراً جزيلاً لك

[مقطع العروق]

ماشاء الله تبارك الله للسيدات فقط ..!!

يعطيك العافية على هذه الفائدة وعلى طريقتك اختي الكريمة

وبانتظار ما تقدمه يداك من جديد باذن الله

[أميرة البراري]

الله يجزاك خير

تسلمين على هالطريقه الرااائعه

ودي

[كمال البدور]

طريقة رائعه جدا"
مشكورة سراب على ما تقدمين للفائده
تحياتي لكي

[كمال البدور]

طريقة رائعه جدا"
مشكورة سراب على ما تقدمين للفائده
تحياتي لكي

[سراب]

تسلمون اخواني اكيد عندكم سيدات بالبيت علموهم الطريقة
ربي لايحرمني تواجدكم

[ابو طلال الفيفي]

وعليكم السلام ورحمة الله وبركاته
ماشاء الله تبارك الله
طريقة جميله ..
الله يسعدك ويحفظك ..

[ابوفيصل]

يعطيكي العافيه اختي سراب
تحياتي لكي

[محمد آلحربي]

وعليكم السلام ورحمة الله وبركاته

ما قصرتي ياسراب

فووووووائد عظيمه

الله يجزاك بالخير