|
مشكوره على النقل وذكر شاعر القصيده يحفظ الحق الادبي لشاعرها آمل ذكر اسم الشاعر تحياتي |
أبيات رائعه يعطيكي العافيه
|
اقتباس:
العفوو أخي نديم المجره ومعك حق لكن للأسف ما اعرف اسم الشاعر.. كل الشكر لكـ على المرور الرائع.. دمت لنا بتواصلك .. |
اقتباس:
|
اقتباس:
للاسف انا الشاعر والقصيده مع المناسبه بعد التعديل المناسبه: اثناء رحلتنا في اجازة الربيع1431هـ الى فياض شعيب الخشيبيه (50 كم شرق لينه) ورغم التوسلات للاستاذ / سعود بن عبدالرحمن الكردي (قائد الرحله) الا انه رفض تمديد الرحلـه . وانا بدوري رفضت المساعده في طي الخيام والتجهيز للرحيل علما بأنني وشقيقي عبدالله وبندر القحطاني-من لينه- الذين جهزنا المخيم حيث وصلنا قبلهم بيوم كامل(من حبنا للبر) قادمين من المنطقه الشرقيه(865كم) وسعود ومجموعته قادمين من عرعر(470كم). ذهبت إلى احد الرجوم المطله على الفيضه اشاهدهم وهم يطوون الخيام والفرش فهاجت قريحتي بهذه الابيات التي آمـل ان تنـال استحسانكـم : ياسـعــود تكـفى لايـفـكـون الاطــنــاب = ياسـعــود تـكـفى قـلهـم بس لـيـلـه نـفـسي تـشـلع كـل ماشــلـع مـنـســاب = طــواري الـفـرقـا عــلـيـنا ثــقـيـلـه يـومٍ طـويـتـوا فـرشـكــم خـافـقي ذاب = كـن الـضـمـاير وسـط حـر الملـيلـه ياسعـود شفي من هـوى البر ماطــاب = خـلـوا حـبـيـس الـدار يبرد غـلـيـله يكـفـيه من طـول السنه صكـت الـبـاب = ويكـفـيـه من طـول السنين المحيله خـلوه يسـلى عـن هـمـومه والاتـعـاب = ويسج رجـله بالـفـياض الـظـلـيـلـه والصبح يشرف له على راس مرقـاب = ويشم ريح الشيح وسط الخـمـيـلـه خـمـيـلــةٍ خـضـرا تـقـل مابهــا تــراب = فـيها الزبـيـدي مثل روس الـنـثيله وريح البختري والنفل مثل الاطـيـــاب = تـنعـش قـلوبٍ بالحـنايا عـلـيـلـــــه وباللـيـل حـول الـنـار تلـتـم الاصحـاب = وتبدا السوالف والعـلوم الجـمـيلـه وكـن الكـواكـب فـوقـنا والقـمـر غــاب = جـمـرٍ تـنـثـر في مهـب المـسـيـلــه وماحلى الصبا لجت مع الصبح تنساب = يحـوشها ضوح الفجـر في شليـلـه بالـبـر نـسـلى عن هـوى تلع الارقــاب = اللي عـلى شـوفه نسوق الجـليـلـه ونسلى عن هـمـوم المدينه والانـشـاب = ونرتاح من بعض النفوس الرزيله يالله طـلـبـتـك يالــولـي رب الاربـــــاب = تـديـم انـعــامٍ عـلـيـنـا جــزيـــلــــه وتغفر ذنـوب اللي من الـذنب قـد تــاب = يارب وفـقـنا لـدرب الـفــضـيــلـــه والخاتمه صلوا عـلى سـيد الاحـبــــاب = رسول رب البيت راعي الوسـيـلـه احمد بن عبدالرحمن العريفي (نديم المجره) |
ام العنود آمل اذا مافيه احراج ولا ازعاج استبدال القصيده مع المناسبه لتكتمل روعتها مع الصوره ولك الشكر والتقدير دامت لك المسرات تحياتي |
ام العنود آمل اذا مافيه احراج ولا ازعاج استبدال القصيده مع المناسبه لتكتمل روعتها مع الصوره ولك الشكر والتقدير دامت لك المسرات تحياتي |
اقتباس:
حياااك الله شاعرنا نديم المجره وآسفة على تأخري في الرد وابشر بسعد ك ان شاء الله يوصل مشرف القسم بوحمد و يضيف القصة للقصيدة وما يسير خاطرك الا طيب وليش للاسف انا الشاعر بصراحـــــــــة القصيدة قمة في الروعة سلمت والله اخوي على الابياات الروعه والله يعطيك العااافيه ودمت بخيررررررررر |
قصيدة جميلة . شكراً لك .
|
اقتباس:
وتواصلك وردك ولاحرمنا الله منك ولا من تواصلك ودمت بخيرررررررررر |
| الساعة الآن 10:14 PM |
Powered by vBulletin .
جميع الحقوق محفوظة © لشبكة ومنتديات البراري 2010