ســم اللقا صدفه وأسميه ميعاد

[بقآيآ .. حرف]

ربي يسعد مسااااااكم

ســم اللقا صدفه وأسميه ميعاد

الشوق ماله عمر يفنى وينعاد
له في الضلوع أن عاد وأن غاب رجفه



مع كل فرقا له ورى الجفن ميلاد
وأن ماتت الفرقا لقى الشوق حتفه



جيت أقتل الفرقا من بلاد لــ بلاد
ملّ الطريق يشيلني فوق كتفه



وأنا بعد مليت من كثرما أرتاد
هالشارع اللي كان لك فيه شرفه



تظمأ عيوني شوفك وتشبع سهاد
عيّا الوصل يقطع ظماها بــرشفه



لاوجهك أسقاها ولا ذاقت رقاد
ماغير طيفك , طيفك اللي أعرفه



كنّه ظبي , وعيوني ظلال صيـاد
يجفل قبل يرتد للجفن طرفه



مشكلته أنه كل ما اشتقت يزداد
حتى ملا جدران وقتي وسقفه



وأصبحت أشوفه فــ أول الغيم لاجاد
وفــ أقصى الشفق لاطاحت الشمس خلفه



وفـي الأرض لانامت عقب صوت رعاد
وفي كل شباك ٍ صحت منه درفه



أتعبت طيفك لوم واللوم مافاد
ويوم الأمل في شوفتك مات نصفه



نويت أسافرعنك بجروح ٍ جداد
وعمر ٍ من أوراق الزمن حان قطفه



نويت, لكن جابني الشوق منقاد
وجابك حنينك والزمن سال عطفه



شفتك تبــسّـم لي خجل مدري عناد
وفي نظرتك شوق ٍ من الظلم وصفه



حسيت كني طفل وعيونك أعياد
ياعيدي اللي له ورى الصدر رجفه



سـمّ اللقا صدفة , وأسـمّيه ميعاد
أنا أنتظرتك , وأنت مريت صدفة . (http://www.jewelsf.com/vb/33075-الشوق-ماله-عمر-يفنى-وينعاد/)

م
م
ر
ا
ق

[كمال البدور]

اشكرك اخي محمد على هذه الابيات الجميله
صخ لسانك ولسان القايل
تقبل مروري

[الركام]

وراق لي ماراق لك يامحمد المعجب
شكرا لك على هذا الاختيار الرائع

[أميرة البراري]

تظمأ عيوني شوفك وتشبع سهاد
عيّا الوصل يقطع ظماها بــرشفه

لاوجهك أسقاها ولا ذاقت رقاد
ماغير طيفك , طيفك اللي أعرفه

صح ذوووقك وصح السان قايلها

ابيات رائعه بارك الله فيك

ودي

[ام الدانه]

ماراق لك يااخي محمد راااق لي

كل الشكرلك على هالنقل الراااايق

تحياااتي

[محب المطر]

صح لسانك
شعر ولا في الخيال لاكن ماعندي بيت ارد ههههههههههههههههه

[حـــــارب]

تسلم اخوووي محمد ابيات جميله

لاهنت