لـــــغــــــــز الاسبوع

[الغربي]

السلام عليكم ورحمه الله وبركاته


اسعد الله جميع اوقاتكم بالخيرات جميع


سوف تقوم بمشيئة الله هنا مسابقه لغز الاسبوع

وسوف يكون هناك جوائز للمتسابقين



وطريقه المسابقه

يطرح كل اسبوع لغز

ومن يقوم بحل اللغز

يدخل في السحب النهائي

وسوف يكون السحب النهائي

بعد اربعة اسابيع بمشيئة الله


مع تمنياتي بالتوفيق للجميع



الغز الاول

دار فكري في وحيل
في الاناثي والاذكار

ظاهر في كل جيل
واستعوبه فالاقطار

فالطوال الا طويل
والقصير من القصار

وان بغيته ليل ليل
وان بغيته فالنهار

وان وزنته جا قليل
وان حذفته حذف ثار

وان بغيته هيل هيل
وان بغيته مد صار

ماتعده مســـتحيل
منتشر وسط الديار

[بنت الرجال]

وعليكم السلام

مشكور اخوي على المسابقة

وسجلني معكم

ابروح ابحث عن الحل

اختك

[بن سليمان]

اعتقد انها النجوم

يارب تجي صح

[الغربي]

وعليكم السلام

مشكور اخوي على المسابقة

وسجلني معكم

ابروح ابحث عن الحل

اختك

يامرحبا اختي حياك الله

والله يوفقك في انتظارك

[الغربي]

اعتقد انها النجوم

يارب تجي صح

هلا بن سليمان مالك لوا يالغالي

ماهي النجوم ولا انت بحولها


حظ اوفر

[مرات عشقي]

اعتقد الشوارع... اذا منيب غلطان

[الصلبوخي]

وعليكم السلام ورحمة الله وبركاته

الله يعطيك العافية اخي الغالي ابو نايف

وفكرة رائعة يالغالي

والله يوفقك لكل خير

كل الشكر والتقدير

[الغربي]

اعتقد الشوارع... اذا منيب غلطان


هلا والله بالغالي ابو فيصل

لا والله يالغالي ماهي الشوارع

[الغربي]

وعليكم السلام ورحمة الله وبركاته

الله يعطيك العافية اخي الغالي ابو نايف

وفكرة رائعة يالغالي

والله يوفقك لكل خير

كل الشكر والتقدير

هلا والله وغلا يابو محمد الله يبارك فيك يالغالي

[بن غازي]

ياخوك لي يومين اتردد ولا لقيت له حل

قرب لنا شوي

[صاهود]

ماهي الرسائل

اذا ماخاب ظني ولو جت غلط فالعذر والسموحه

[الغربي]

ياخوك لي يومين اتردد ولا لقيت له حل

قرب لنا شوي


ياهلا ومرحبا اخوي بن غازي


والله ياعزيزي صعب اني اوضح

[الغربي]

ماهي الرسائل

اذا ماخاب ظني ولو جت غلط فالعذر والسموحه


حاول مره ثانيه يصاهود




وتبي تحله ان شاء الله

[معدي المرقاب]

اللغز صعب

يمكن انه الميزان او الصاع

عجل قل صححححححح لسانك

[الغربي]

صحح


والله انك مع جنبها بس

لايسمعك هادي


ولا انت بحوله يابو عزااااااااااام

حاول مره ثانيه وبالتوفيق

وترى الجايزه حاشي من عند ابن شريم

خخخخخخخخخخخخخخخخخخخخخخخخخ

[صقر]

اقول اخوي راع الغرابه مش البحر

ان شاءلله صح

[الغربي]

هلا اخوي صقر

ماهو البحر


وراكم مبعدين ياشباب

خلوكم حولكم حوليكم لاتروحون بعيد

[عبدالهادي المفرج التميمي]

هلا ابو ناااااااايف

لغزك هو اللي مبعد بنا

لكن هل هو شي ملموس او بس معنى

انا ابرمع لي رمعه واذا هو على نوعيتها علمني في اذني !!

لا يكون البرقية

مشكووووووووووووووووووور





سلام

[عاشق القمرا]

ابقول واذا هو صح اكيد تتقولون صح

ماهو الانترنت

[مروق]

ما هوب : المهتوي يقطع المستوي !!!!!!
=============================
و لك فائق التقدير على جهدك و فكرتك الرائعة
===================================

[الغربي]

هو معنوي اكثررر

ولاهوب البرقيه يابو ناصر


ولاهوب الانترنت ياعاشق


ولاهو المهتوي يامروق

[عبدالهادي المفرج التميمي]

حستنا بالحيل

لكن ابغووووووص وابلقى له حل

مشكوووووووووور




سلام

[مروق]

طيب خذ هالمحاولات
الظل
الميزان
الغبار
الطحين
==============
ادري خطأ و لكن ايها اقرب ؟؟
=============================

[الغربي]

في اتظارك يابو ناصر

اخووووووووي

مروق

كلهن خطا

ولا واحد قريب منهن

[مروق]

البيبسي
الضوء او النور
الرماد
اسطونة الغاز
عدسة العين
==============
محاولات يائسة

[عبد الله الحقيل]

دخت وانا أفكر ،،،

الله العالم صارت الحروف كلها :biggrin: ،،،

[الهوا الغربي]

وشرايكم فالعقل؟

اتمنى يكون صح

تحياتي

[الغربي]

مروق

عاشق البران

الهوا الغربي


الاجابات للاسف غلط


وفكرو جيد

تراااااااااه سهل مره

[مروق]

طيب فكرت شوي و قلت يمكن يكون
الثوب
أو الفراش
أو التبن - بوجه العدو -
============
و مشكور

[صقر]

اقول ماهو السمع اوالكلام

ان شاء الله صح

[فتى الساروت]

السلام عليكم

الحل هو السمك

ولا تقول مالك لوا

اخوك

فتى الساروت

[الغربي]

هلا
مروق مالك لوا يالغالي

اخوي صقر






حولهاااااااا

حواليها

حاول مره ثانيه

[الغربي]

اي سمك الله يجزاك خير


...............................................

[مروق]

طيب خذ هالرمعات الأخيرة
=====================
الجن
الأذن أو الآذان
الأدب

[عبد الله الحقيل]

يمكن يكون الشوف !!! ،،،

================

[الغربي]

منت بعيد ياعاشق




رمعاتك غلط يامروق


............................................

[عبد الله الحقيل]

أجل النظارة ،،،

===========

[الغربي]

لا يالغالي

ابعد شوي عن الشوف وتلقى الحل

[مروق]

أكيد يكون الخشم !!!!!!!!
===================

[الغربي]

هههههههههههههههههههههههههههههههه


ولا الخشم يالغالي

[صاهود]

شف هو الشم

او السمع

او اللمس

او هو البحر

عجل علينا

[الغربي]

شف هو الشم

او السمع

او اللمس

او هو البحر

عجل علينا


رمعه طيبه من وجه طيب


بس غلط

وورااكم انتم تدورون في مكان واحد

فكرو اكثر يالغالي

[ولد سدير]

انا راعي الرمعات

الحل هو العقل او المخ

[الغربي]

انا راعي الرمعات

الحل هو العقل او المخ



غير صحيح ياالغالي


ماهو العقل

[صقر]

طيب اخوي راع الغرابه


ماهو الكلام

[ولد سدير]

احد منا قرب حوله ؟؟

انت قلت لراعي الشوف تراك حوله

يعني هو من حواس الانسان او انه من صفات الانسان

لايكون الكرم او الشجاعه

[الغربي]

صقر رمعتك طيبه يالغالي



بس ركز اكثر

[مرات عشقي]

اعتقد اخوي راع الغرابة انه الصوت وصداه

وان شاء الله يكون صح

[الغربي]

اعتقد اخوي راع الغرابة انه الصوت وصداه

وان شاء الله يكون صح


ياسلاااااااااااااااااااااااااام

عليك


بيض الله وجهك يالغالي



ماشاء الله عليك جبتها

صح


الله يعيطك العافيه يالغالي



وانت تدخل في السحب النهائي

[عبد الله الحقيل]

مبروك أخونا مرات عشقي ،،،

وعدنا مع اللغز الجديد يوم الجمعة أو قبله يا مراقبنا ؟

[الغربي]

هلاوغلا اخوي عاشق

اللغز الثاني يوم الجمعه


ان شاء الله

[بن خميس]

مبروك الفوز

وعقباالنا

والله ما جا على البال

[وضاح]

دائما نجي في الوقت الضائع

لكن الخير قادم ومستعدين

[محمد القحطاني]

بارك الله فيك اخي الكريم

وفي انتظار اللغز القادم

لك كل شكر وتقدير

[الصلبوخي]

ماشاء الله تبارك الله مبروك اخي الكريم مرات عشقي

والله يعطيك العافية مراقبنا الرائع ابو نايف

كل الشكروالتقدير

وبالتوفيق للجميع

[الغربي]

السلام عليكم


هذا لغز الاسبوع الثاني


انشدك عن ورعً هله يحترونه
واذا لفى بدايرهم صار مسجون


لو هو بداية خير ماينقذونه
ولولا مكانه صار مرمي ومهيون

[عبدالهادي المفرج التميمي]

قل صح حتى لو غلط حلي

مهوووووووووووووب مفتاااااااااح السيارة

مشكوووووووووووووور




سلام

[عاشق القصيد]

الفشق حق السلاح <ممنوع تجيب طاري السلاح بالمنتدى

[مرزوق]

الفشق حق السلاح <ممنوع تجيب طاري السلاح بالمنتدى

السلام عليكم

اخوي حتى لو حلك صح بيقولون غلط

حلوه لا تجيب طاري السلاح

انا اعتقد ان الحل هو البيز حق الدلة

[الغربي]

هااااااااااادي مهوب مفتاح السياره\


عاشق القصيد

ماهو الفشق


مرزوق

ماهو البيز حق الدله

[عبدالهادي المفرج التميمي]

افا يا ذالعلم

عاااااااد كل شي الا قولة لالالالالالالا

طيب محد جا حوله

اذا حنا بعيدين قربنااااااااا منه




سلام

[الغربي]

لا كلكم بعيد محد حوووووووووووووله


وهوووووو جمااااااااااااااااااااااد

[ابو فرح]

لا يكون الكفن

هذ رمعه ونشوف هي تصيب او تخيب

[الغربي]

لا يالغالي ماهوب الكفن


..........................................

[عبد الله الحقيل]

( لو هو بداية خير ماينقذونه )

طيب هذي وش معناها أو وش معنا ينقذونه ؟؟

[خيال الدهما]

اخوي تعتب وانا افكر

ما يمكن تقرب لنا

ترى تقريبك انه جماد ما هو تقريب

وانت سيد العارفين

[الغربي]

( لو هو بداية خير ماينقذونه )

طيب هذي وش معناها أو وش معنا ينقذونه ؟؟


هلا اخووي ابشر افسرلك


هو في جيته لهم يجيب الخير معه

ومع ذلك يكون مسجون عندهم

[الغربي]

اخوي تعتب وانا افكر

ما يمكن تقرب لنا

ترى تقريبك انه جماد ما هو تقريب

وانت سيد العارفين


هلا اخوي

والله الغز مايحتمل التفسير اكثر لو فسرته يووووووضح على طول

[عبد الله الحقيل]

الذهب ،،،

وأكيييييد غلط ، كالعادة ،،،

[الغربي]

الذهب ،،،

وأكيييييد غلط ، كالعادة ،،،



والله ودي اقولك صح


بس انه غلط

[صقر]

مشكور على اللغز


ماهو الصقر يرع لغرابه

[سلوم]

السلام عليكم


هذا لغز الاسبوع الثاني


انشدك عن ورعً هله يحترونه
واذا لفى بدايرهم صار مسجون


لو هو بداية خير ماينقذونه
ولولا مكانه صار مرمي ومهيون

ومن صفاته انه جماد

انا اعدت اللغز علشان تشوفونه

هل هي بديارهم ام بدايرهم ؟؟

واعتقد ان الحل السيف

[الغربي]

ومن صفاته انه جماد

انا اعدت اللغز علشان تشوفونه

هل هي بديارهم ام بدايرهم ؟؟

واعتقد ان الحل السيف

هلا اخوي سلوم

بديارهم


وليس بدايرهم

والسيف غلط يالغالي


اخوي صقر


ليس الحل الصقر

[عبدالهادي المفرج التميمي]

ياااااااااااا اخوي الغااازك مدري من وين تجيبها

حستناااااااا حوس

تتقرب لنا والا هونا عن الحل

ما تتوقع انه يد النجر او المحماسه او حول هالامووووووور





سلام

[عاشق القصيد]

الفنجان !!

المبخرة!!

اتمنى تكون صحيحة

[الغربي]

ياااااااااااا اخوي الغااازك مدري من وين تجيبها

حستناااااااا حوس

تتقرب لنا والا هونا عن الحل

ما تتوقع انه يد النجر او المحماسه او حول هالامووووووور





سلام



هلا يابو ناصر

وشلون اقرب لك

والله لو فيها مجال كان راعيناااك>>>>>راعي محل على غفله

المهم شغل بساتم مخك

وتبي تلقى الحل



اخوي عاشق القصيد

مالك لوا يالغالي

اجابات كلها غلط

[الصلبوخي]

الله يعطيك العافية اخي الكريم ابو نايف

الحل موجود بإذن الله لكن بانتظر نشوف يمكن ابو ناصر يشغل مخه شوي ويحلها

واذا بغيت ارسل الحل لك يابو ناصر على الخاص ما عندي مانع كم عندنا من ابوناصر

كل الشكروالتقدير للجميع

[الغربي]

الله يعطيك العافية اخي الكريم ابو نايف

الحل موجود بإذن الله لكن بانتظر نشوف يمكن ابو ناصر يشغل مخه شوي ويحلها

واذا بغيت ارسل الحل لك يابو ناصر على الخاص ما عندي مانع كم عندنا من ابوناصر

كل الشكروالتقدير للجميع



لا يابو محمد

تغشيش مافيه


يحله بنفسه

ولا يجلس الله لايهينه

[aboanas]

الحل هو المفتاح 000000000000000000000000

[مرات عشقي]

بسم بالله وعلى بركة الله

نقوووول الحجر ((الحصى))

ان شاء الله صح

[الغربي]

ابو انس لا مهو المفتاح


اخوي عشقي مرات

الحصى لا

بس الحجر

وضح اكثر

تراك قريب بالحيل

[عاشق القصيد]

النجر

الرحى


لا تقول غلط

[مرات عشقي]

الجواب ان شاء الله يكون صح....

حجر الاساس

[الغربي]

عاشق القصيد رمعاتك غلط يالغالي


الف مبرووووووووووووووووووووووووووك

اجابتك صح


اخوي عشقي مرات


هذي المره الثانيه اللي تفوز


ودخلت السحب معنا بالتوفيق يالغالي


واللغز الثالث يوم الجمعه القادم ان شاء الله

[مرات عشقي]

الله يباركـ فيك اخوي راع الغرابه

[عبد الله الحقيل]

ألف ألف مبروووووووك أخوي مرات عشقي ،،،

ماشاء الله عليك ،،،

والله تستاهل ،،،

============

مشكور أخوي أبو نايف وبانتظارك بعد6 أيام واللغز الجديد ، لكن ارفق علينا في الالغاز الجاية ،،،

عطنا شي سهل موب صعبات مايحلها الا أخونا مرات عشقي ماشاء الله عليه ،،،

[الغربي]

[quote=

مشكور أخوي أبو نايف وبانتظارك بعد6 أيام واللغز الجديد ، لكن ارفق علينا في الالغاز الجاية ،،،

عطنا شي سهل موب صعبات مايحلها الا أخونا مرات عشقي ماشاء الله عليه ،،،[/quote]

ابشر من عيوني لغز خصيص



لك يالغالي كم

عاشق عندنا


ابشر ولايهمك يالغالي

[مرات عشقي]

الله يبارك فيك اخوي عاشق البران وعقبالك ان شاء الله

[عبدالهادي المفرج التميمي]

انا احتج

بس وش احتج عليه ما ادري بس احتج

وابشكيكم على نهاااااااااام >>>>>>>>>> احترني اذ قبل احتجاجك

تدرووووون ابتسم عند الهزيمة

مبرووووووووك مرات عشقي




سلام

[nahham]

تراي جيت

الجواب هادي

<<<<<<<<<<<<<<<<<< حلوه النشاما وتوك تفزع

وش السالفه اسمعكم تطرون اسمي

[الغربي]

[quote=هادي;81987]انا احتج

بس وش احتج عليه ما ادري بس احتج

وابشكيكم على نهاااااااااام >>>>>>>>>> احترني اذ قبل احتجاجك

تدرووووون ابتسم عند الهزيمة

مبرووووووووك مرات عشقي




سلام[/quote
اقول اذا عنكد احتجاج قدمه لمحمكه العدل الدوليه

والله يوفقك انشاء الله

[الغربي]

تراي جيت

الجواب هادي

<<<<<<<<<<<<<<<<<< حلوه النشاما وتوك تفزع

وش السالفه اسمعكم تطرون اسمي


لابد سلامتك يابو هشام


بس خابر ابو ناصر يسبب الهوشات في كل قسم

الله يكفينا الشر

[الغيث]

متى اللغز الجديد

حنا في الانتظار

[الغربي]

هلا وغلا اخوي الغيث


اللغز الثالث يوم الجمعه القادم ان شاء الله

[زائر المساء]

يعني بكرة ننتظر اللغز

يارب نتوفق

[مرافق النشاما]

حاااااااااااط رجل على رجل

انا لهااادي وبس

ابي اكفخه الين يخيب ثنااااااه

مشكووور على الغازك الجميله

ننتظر الجديد

مرافق النشاااااماااااااا

[ولد سدير]

وين لغزك اليوم

ترانا نحتريه على نااااااااار

[الغربي]

هلا والله بالغالي ن اللغز الثالث بعد شوي ان شاء لله


انتظروووووووووووووناااااااااااااااااا

[الغربي]

السلام عليكم ورحمه الله وبركاته


اسعد الله جميع اوقاتكم بالخيرات


اللغز الثالث


انشدك ياللي كل لغزً تحله
عن الثلاث اللي بقى منهم اثنين


غاب الكبير ومنزله في محله
واخوانه الباقين عاشو عزيزين


غاب الكبير والكل منا فطن له
غاب الكبير وتبكي لشوفه العين

[عبد الله الحقيل]

لا والله سهل ،،،

أتوقع الشمس والقمر والنجم :biggrin: ،،،

عموماً أفكر والجواب أجيبه إن شاء الله ،،،

[الغربي]

لاغلط رمعتك


هلا والله اخوي عاشق

الا سهل والله


بس ركز في اللغز


واعندي احساس انك بتحله هالسبوع

[عبد الله الحقيل]

( غاب الكبير وتبكي لشوفه العين ) ،،،

والله ماتبكي عيني الا لشوف الملك فهد الله يرحمه ويسكنه فسيح جناته ويوفق أخوانه لكل خير ( هو ثالث أخوانه : الملك عبدالله "ولي عهده" والامير سلطان "نائبه الثاني" الله يحفظهم ) ،،،

عندي جواب ثاني لكن بعدين ،،،

[معدي المرقاب]

اخوي ابو نايف

اعتقد والله اعلم انه المساجد الثلاثه

المسجد الاقصى

والمسجد الحرام

والمسجد النبوي الشريف

قل صح لسانك

[الصلبوخي]

السلام عليكم ورحمة الله وبركاته

الله العالم يابو عزام ان رمعتك صحيحة

ننتظر ابو نايف

دمتم في حفظ الله ورعايته

[عبدالهادي المفرج التميمي]

الحل هو المسجد الاقصى والمسجد النبوي

والمسجد الحرام



سلام

[الغربي]

اخوي ابو نايف

اعتقد والله اعلم انه المساجد الثلاثه

المسجد الاقصى

والمسجد الحرام

والمسجد النبوي الشريف

قل صح لسانك



هلا وغلا يابو عزام


صح لسانك

رمعتك في محلها


مبرررررررررروك

ودخلت معنا في السحب

[عبدالهادي المفرج التميمي]

وانا طلعت فاااااااااااااااااااالصوا

والله حالتي حاله اليووووم

مشكوور ابو نايف >>>>>>> نفس شينه




سلام

[الغربي]

ورااااااااااااه


يابو ناصر


وش اللي مزعلك بس


...............................................

[altargay]

السلام عليكم ورحمة الله وبركاته
رمعتي ان صابت ( الطحين )
وسلامتكم من كل شر

[الغربي]

هلا اخوي الطرقي اللغز حلووووووووووه


راجع الردود السابقه



وعدكم اللغز الرابع ان شاء الله >>>>>>ناااااوي يحوسكم





يوم الجمعه القادم ان شاء الله

[الجارح 2000]

وعليكم السلام ورحمة الله وبركاته

الف شكر على هذا الموضوع

وحنا ننتظر حوستك

يعطيك الف عافيه

وماقصرت اخوي

ربي يجزاك كل خير

اخوك الجارح 2000

[ابو يعقوب]

يالله ترانا مستعدين بكرة

وصعب اللغز ولا تهتم

[الغربي]

هلا والله وغلا بالغالين



بكره ان شاء الله


بعد صلاة الجمعه اللغز الرابع

[ابو تفيده]

السلام وعليكم ياخوان كيف حالكم

[ابو تفيده]

سنعوني تكفون توني مسجل بالمنتدى ومدري شسوي

[الغربي]

السلام عليكم ورحمه الله وبركاته


اسعد الله جميع اوقاتكم بالخيرات




الغز الرابع والاخير


ويش بنتٍ في بنتٍ تصير
مير ماتنشاف في قاع بعيد


في حشاها تكون والله الخبير
جل شانه يفعل مــايريد

جالها في وسط مسكنها خشير
من لحم وعظام يكشفه الحديد



في زمان فات قيمتها كثير
جالها من صنع مخلوق جديد



بالتوفيق للجميع

[الشقراوي]

والله لغزك حاس روسنا

لكن نبي نشوف والوعد قدام

[الغربي]

والله الغز سهل للغايه

بس يبيكم تفكروووووووووون


..........................................

[معدي المرقاب]

هلا ابونايف

ممكن يكون المحار حق الؤلؤ


(يمتكن) جوابي صححححححححح

[عاشق القصيد]

الدلة


دلة رسلان ام زقم

والله اعلم

[الغربي]

هلا ابونايف

ممكن يكون المحار حق الؤلؤ


(يمتكن) جوابي صححححححححح



هلااااااااااااااااااااااا


حياك الله يابو عزام


اجابتك صحيحه



مبروووووووووووووووووك

[الغربي]

السلام عليكم ورحمه الله وبركاته


نظرا للطلب على الالغاز

سوف يتم بمشيئه الله تعالى اكمال المسابقه




وبالتوفيق للجميع

[معدي المرقاب]

الله يبارك فيك

جابه الرجال اللي انت خابر

هههههههههههههههههه

قاعد لك بالمرصاد

[الغربي]

الله يبارك فيك

جابه الرجال اللي انت خابر

هههههههههههههههههه

قاعد لك بالمرصاد



هههههههههههههههههه

شكلنا نبي نستخدم الفيتو معك

انت وذا الرجااااااااااااال


حياك يابو عزام

[ولد سدير]

اعتقد ان الحل هو

اللؤلو ولو ان غيري سبق

[الغربي]

السلام عليكم ورحمه الله وبركاته




سوف يطرح اللغز الخامس





يوم غد ان شاء الله

[خوي الشيوخ]

طرحت لغز ولا ما طرحت ماراح احله
يابو نايف لان الغازك كلها سهله
هههههههههههه

[الغربي]

السلام عليكم ورحمه الله وبركاته
اسعد الله جميع اوقاتكم بالخيرات



اليوم جايب لكم لغز ولا كل الالغاز






رجل وأمراه الرجال خال المراه. والمراه عمة الرجل

كيف يكون ذلك

.................................................. ....................

[عبد الله الحقيل]

يمكن المرأة رضعت من أم أبو خالها ،،،

[الغربي]

لا يالغالي


اجابتك غلط



دقق وركز وتبي تحله

.....................................

[ريمه]

((جد الرجل(ابوابوه)متزوج من امراة اخرى غير جدته(ام ابوه)وهي ام هذه المرأة فتصبح هي اخت لابو هذا الرجل عمته وفي نفس الوقت اذا كان ابو هذا الرجل متزوج من جدة هذه المراة(ام امهاا)(اي ام الرجل جدة هذه المرأة)في هذه الحالة يكون الرجل اخ لام هذه البنت فيكون خالهاا

اتمنى انها تكون صح اخوي راعي الغربه

[عبدالهادي المفرج التميمي]

جوابك اخت ريمه اصعب من اللغز

لكن اذا هو صح فسروه لنا صح

[الغربي]

((جد الرجل(ابوابوه)متزوج من امراة اخرى غير جدته(ام ابوه)وهي ام هذه المرأة فتصبح هي اخت لابو هذا الرجل عمته وفي نفس الوقت اذا كان ابو هذا الرجل متزوج من جدة هذه المراة(ام امهاا)(اي ام الرجل جدة هذه المرأة)في هذه الحالة يكون الرجل اخ لام هذه البنت فيكون خالهاا

اتمنى انها تكون صح اخوي راعي الغربه



اجابتك






































صح


ميه بالميه
مبروووووووووووووووك

[مثير]

وعــليـــكم الســــلام ورحمة الله وبركــــــاتــــه

ما شـــــــــــــــــاء الله تبــــــــــــارك الله

ربـــــــي يعافــــــــــــــــيك اخي راع الغرابــــــــــــــــــه

[فتى الساروت]

ماااااااااااااااافيه لغز اليوم

ولاكيف

[ريمه]

الله يبارك فيك اخوي راعي الغرابه طيحت قلبي الين شفت كلمة صح ميه ميه

وانت مشكور ميه ميه على مجهودك

هادي وشلون افهمك هذي مشكلتك انك غبي وماتفهم كلام الاذكيا ههههه

امزح لا تزعل علينا ياقائدنا بس عارفه نفسي لو بشرح لك عقدتها اكثر من اول هههههههههههه

[الغربي]

اخواني الاعضاء والمشرفين

السلام عليكم ورحمه الله وبركاته


ابارك للاخوان الفائزين بالمسابقه

وهم عشقي مرات

معدي المرقاب

ريمه

وسوف تصلهم جوائزهم ان شاء الله



وهي عباره عن زياده 40 مشاركه



واشكر جميع من شارك في المسابقه

والاخوان اللي لم يحالفهم الحظ


نتمنى لهم الفوز

في مسابقه لغز الاسبوع الجزء الثاني قريبا ان شاء الله


والسلام عليكم ورحمه الله وبركاته

اخوكم راع الغرابه

[عبدالهادي المفرج التميمي]

يعني طلعنا من ............ بلا حمص

والله وطالت وشمخت

على الاقل زودونا لو ركلات ترجيح




سلام

[عبد الله الحقيل]

أحتج ،،،

نعم أحتج ،،،

يمكن المرأة رضعت من أم أبو خالها

هذي كانت إجابتي وهي بعد صحيحة ،،،

تكف هادي أفزع لي ولك النص ،،،

[الغربي]

على الاقل زودونا لو ركلات ترجيح


اقول يابو ناصر

ابي احط لك لغز في موضوع لك انت لحالك واتحداااااااك تحله

بس اصبر علي كم يووووم

أحتج ،،،

نعم أحتج ،،،


تبي تحتج يابو براهيم

رح لمحكمه العدل الدوليه بارك الله فيك





المهم الوعد

في الجزء الثاني

والله ياهي الغاز

خل قوقل ينفعكم ياهل قوووووووووووقل

[مرات عشقي]

.....................مشكور ياراع الغرابة............

[خوي الشيوخ]

راعي الغرابه طيب ياخي زودنا شوي من المشاركات
والا اعلم خالك

[الغربي]

راعي الغرابه طيب ياخي زودنا شوي من المشاركات
والا اعلم خالك


هههههههههههههههه

اضحكتني اضحك الله سنك

[nahham]

هادي وشلون افهمك هذي مشكلتك انك غبي وماتفهم كلام الاذكيا ههههه

هههههههههههه


خخخخخخخخخخخخخخخخخخخخخخخخخخخخ
ابصم بالعشره انه صدق

[عبدالهادي المفرج التميمي]

طيب ما ودكم تعطونا لغز جديد

او نسيتونا خلاص

مشكوووووووورين





سلام

[الغربي]

طيب ما ودكم تعطونا لغز جديد

او نسيتونا خلاص

مشكوووووووورين





سلام

هلا مليووووووووووووووووون

قريب ان شاء الله الجزء الثاني

ولا يهمك تامر امر

ياقلبي

[خلود المغربية]

هلا بيك اخي ارجو انك تسجلني معك في المابقة وجوابي هو العمر والحياة والللله فكرتك حلوة بتمننالك التوفيك

[خلود المغربية]

هلا فيك اخي ردي صحيح ولا لا:32:

[الغربي]

هلا اخت خلووووووووود


المسابقه هذي خلصت

والمسابقه الثانيه قريب ان شاء الله\


اسعنا تسجيلك معنا

وننتظر مشاركاتك