يابو راشد لانويت تـروح لأمـي...هاك مني ذا الرسالـه واستلمهـا

[هواي البر فهد]

السلام عليكم ورحمة الله وبركاته

من اجمل قصايد الشاعر حمدان المري ...


مغترب من ديرتي وعيال عمـي
في بلاد شعبهـا يدعـس علمهـا

يابو راشد وش تقول وش تسمـي
ضيقة تكفي البشـر لـو تلتثمهـا

ماشحنـي فالغيـاب وزاد غمـي
وحط كبدي عرضة النار وسمهـا

ومايعومس خاطري ويفور دمـي
غير فرقى امي عساني ماعدمهـا

يابو راشد لانويت تـروح لأمـي
هاك مني ذا الرسالـه واستلمهـا

لي ثلاث شهور وانا كـل همـي
كيف احصل لي طريقه واغتنمها

ضمها مثلي وهي بتعرف ضمـي
لين يونس مفرق ضلوعك نسمهـا

غير تكفى سم وضلوعك تسمـي
كـل شـي فيـك لازم يحترمهـا

وارفق بصدر حليبه كان جمـي
ورد روح حدها الشرع وفطمهـا

ارضها واكسب رضاي وكف ذمي
واعتبرني خادمك يـوم تخدمهـا

وان دعت لبيه ماهي مثل سمـي
لبها واسمـع وصاتـي وافتهمهـا

مأمنـك بالله يـوم تواجـه أمـي
حبها من راسهـا لاسفـل قدمهـا


http://www.youtube.com/watch?v=-8ITFniXwFs (http://www.youtube.com/watch?v=-8ITFniXwFs)

[ام العنود]

صح لسان شاعرها...ولاهان ناقلها
والله يعطيك العافيه ياهواي البر فهدقصيده في منتهى الروعه...والله يحفظ أمه وأمهاتنا..دمت باااااااااالف خيرررررررررر

[الركام]

صح لسانك ولسان الشاعر
ومشكور على الاختيار

[خالد الحريبي]

صح لسانك أخوي ولسان الشاعر
سلمت

[الذعذاع]

مشكوور أخوي على الانتقاء المميز