اشوي بدون شبك شوي

[اخت الرجال]

مساء الورد والياسمين

السلام عليكم ورحمة الله وبركاته .......

حبيت اشارك بهالطريقه الرائعه لشوي الطيور بدون ادوات شوي :56: وبدون اي تعب :17:

وهي طريقه تحافظ على نكهة الطير وتجعله لين وتحتفظ على الفوائد الغذائيه بالطيور ولذيذه جدا

وكمان اقتصاديه

الطريقه بالترتيب :85:

1- اشعل كميه من الفحم واتركه حتى يحمر
2-ابعد الفحم على جنب واحفر تحت مشب الفحم حفره 10 سم عشره سنتمتر فقط
3-احظر صيدك من الطيور ولاتنتفه ولاتغسله ولاتشيل امعائه كله مع بعض .... هذا اللي يبون الشباب
4-ضع الطيور على شكل صف في الحفره التي حفرتها ولاتضع بهارات ولاملح ولاشئ
5- ادفن الطيور بالحفره
6- افرش الفحم فوق الحفره التي دفنتها وبها الطيور
7- ضع براد الشاي ودلة القهوه فوق النار وسو شاي وزيد سكره اشوي واحكره وانبسط يا عم
8- اذا خلص براد الشاهي ودلة القهوه شيلهم وزيح الفحم وطلع صيدك

راح تتفاجئ من المنظر راح تظن ان الصيد لم يستوي لانك سوف ترى الريش على حاله لم يتغير كانه نيئ ولكن اسحب الريش سوف ينصلخ بسهوله وسوف ترى اللحم مستوي ومحمر على كيف كيفك :28:

9-ضع ملح حسب رغبتك

واخيرا تمتع بطيب اللحم والشوي :26: اللي عمرك ماراح اذوق احسن منه وخصوصا مع براد الشاهي المحكور وسكره زياده ....... وبالعافيه واكل وادعوا لي

وهذي الطريقه تصلح مع جميع انواع الطيور .....وشكرا للجميع

وهني وعافية :65:

[الحايلي]

الله يهنيكم ويعافيكم على هاذي الطريقة

والله جديده وبنجربها وقت الطيور ونقول لك راينا

لكن شكلها من البداية تتجي متميزة


اخوك الحايلي

[الحلو]

ماشاء الله هذي نسميها المله شيء جميل

[نشميه]

:70: السلام عليكم:70:

ايوه كذا تمام هذي الموضوعات الحلوه

خلي نعلم الرجال اصول الطبخ

:smile: اختك نشميه:smile:

[محمد القحطاني]

بارك الله فيك اختي الكريمة

وجزيت خيرا

لك كل شكر وتقدير على جهودك

[المرتهش]

حلوه الطريقة وجديدة على انا وابسويها وشوف النتيجة

[أبو ثابت]

والله طريقة واضح عليها حلوة وتنفع للمستعجلين وبرضه تنفع للي ماودهم يغسلون عدة الطبخ . .

[هيثم المحيلان]

والله طريقه ممتازه وسهله



مشكوووووووووووووووور
يابنت الرجال



ننتظر المزيد

[فنان]

هذا والله الشغل النظيف
يامال العافيه

[الشيخ]

موضوع قيم ومفيد

بارك الله فيك ولك تحياتي الخاصة

اخوك شيخ المنتدى