مالنا في زمان الجحد اي اعتراض

[الركام]

مالنا في زمــان الـجـحد اي اعتراض
الصبر في المواقف خير في كل حال

لـو تبين عليـك وكـل مـافيك فــاض
قـالـوا الناس ماله حـل غير العقـال

كـل رجـل تميز جلسته في الفـيـاض
ليا تخير بعضها وعن بعضها استمال

قانع لو خسر فيهـا ولو مـاستعـاض
مـاسك في يده مر ومرخي الحـبـال

له مع الوقت موعدلياسنا البرق ناض
شاش ماقال عندي واحتمال احتمال

عارف الوقت يمضي ماشي ماستراض
يدركـه كان يبغى وباقـي لـه مـجــال

عايش بقلب صافي ناصع بالبـيـاض
خير له في حياته وخير بعد ارتحـال

وانت ياللي تدور فـي سنين ومـاض
احتكـم للـعـقـل تنسى وياتيك فـال

لو ملكت وسلبت ولو حكم فيه قاض
لا تحسبك ظفرت ونلت شـي حلال

لا تداحم على الدنيا دحام الحيـاض
ينفرج كـل هـم ليـا مشـيت بعـدال

الركام

[بقآيآ .. حرف]

صح الله لسانك يابو سعود مدد بلا عدد
أبدعت بالجزله يالجزل
كل التحايا

[عين الإعصار]

عايش بقلب صافي ناصع بالبـيـاض
خير له في حياته وخير بعد ارتحـال

صح لسانك أخي " الركام " أبو سعود

وبارك الله فيك

[نقا الجمل]

صح لسانك مدد لا عدد يالشاعر

ركام

ابدعت وامتعت ولاهنت

وافر التحايا