*() سيول زلعاء القاعية والكشته بالروض العذيه ()*

[النايف]

(( مرحباً بكم ))

مـتـى نـمـد الـنـظـر *** بـديـار نـجـد العـذيه
عـقب ارتوت بالمطر *** في ليلةٍ وضحـويه
ديمه من امس العصر *** وامسأ عليها برديه
برقـه يعـشـق السهـر *** وبله من الله هديه
وتصير روضٍ خضر *** بقدوم عيد الضحيه
شـوفـه يـزيـل الكـدر *** عـن كـل نفسٍ شقيه
هـاذي طـراة الـعـمـر *** مـمـشاً بـنجـد الـعـذيه


بيوم الأربعاء الموافق 5 / 1 / 1433هـ وبعد سيول يوم الثلاثاء بمحافظة المجمعة
أردت أن أخذ جولة بشمال شرق المحافظة وكانت الوجهة والمقصد الى ( زلعاء القاعية )
والتي تبعد حوالي 60 كلم وهذا تعريف لها
( والزلعاء بقاموس المعاني = الشقوق . زلعت القدم أي تشققت )
حيث كانت الأجواء صافية ولطيفة ولضيق الوقت والخروج من الدوام أخذت من مطعم البخاري الغداء
والصراحة البخاري في بعض الأحيان له خرمة وطعم .. المهم أني كنت لوحدي وأستعديت وتوكلت على الله وركبت الخط المؤدي الى الأرطاويه
وبهذه اللحضة لم أتفق مع أحد للمخاواة أو مواعيد سابقة أتجهت للزلعاء مروراً باأم عشر وكان آثر السيول هناك طيبه وعند وصولي للزلعاء وجدتها كالمرأة تعكس أشعة الشمس الصافية توقفت للغداء وبعدها أتجهت شمال شرق الروضه لأجد أن الزلعاء تفرغ مافيها من كمية المياه بشعيب يتجه الى طريق القاعية وشد إنتباهي منظر جميل وصوت عذب وهذه مانبحث عنه بهذه الأوقات
( أنه صوت خرير الماء ) من أثر بإنجراف تربه ليعمل لوحة جميله تتكلم بمها فيها من معنى , توقفت وجمعت بعض الرمث لتجهيز براد الشاي وبهذا الوقت إتصلتُ على الحر لأبلغه عن مارأيته وعن أخبار السيول وللمصادفه كان هو ومعه مهب الهيف وحسن الحسين قادمين للزلعاء عاد متى مازانت الجلسة وحلوت الكشته , وصولو بحمد الله وأخذنا نأخذ الأخبار ونتحدث عن التطورات القادمة بالطقس
واليكم أولاً كشتتي وبداياتها

الخروج من المجمعة



لاحول ولاقوة إلا بالله



أثاريها نقعة ماء تشفط من الجزيرة وفكرتها حادث



وبعد ما دخلنا للبر ومير أمر الشعيب قبل أم عشر وآثر السيول جارف الأرض



جهة آخرى




وأضح وأضح



وصلت لزلعاء القاعية وقلنا ناخذ صورة للذكرى مع بليهان





ماشاء الله تبارك الله ( قزازه )





وبالتاريخ ليشهد الزمان ( أكتب ياقلم وسجل ياتاريخ )



عاد بديت بالغدى ودباس يصور ؟؟



عيا يتغدى معي دباس إلا يصورني وأنا أتغدى



اها أحلى لوحة من بخارست



ملينا البطن بالعافية عاد قلنا نكمل مسيرة التصوير والتوثيق



السكك ملينه والروض



وعند جولتي بطرف الزلعاء شمال شرق وجدت أن الأرض تجري وتمشي على خفيف





الـــــــــــــــــــــــــــــــــله أكبــــــــــــــــــــــــــــــــبر



وبداية لترتيب الجلسه على هالشميسه



سلااااااااااااااااااام

وينك ياراعي اللوحات تكبر الصورة



وأحلى لقطات مع الغروب والشعيب يسورب

والشفق مولع بالحمرة





ومع نجمة الغروب



أتمنى أن يحوز التقرير الخفيف على رضائكم

الى تقرير آخر

نترككم بحفض الله

تحياتي

:

.

[الشايب]

يازين نــجد في حر والا بــرد !!
ماشاء الله تبارك الله
فرآش خير وتهنآكم الرحمه ومبروكين الأمطار وعسآه خير متبوع
الله يغفر لك ووالديك

[لا تقنطوا]

يامال العافيه وشوقتنا للطلعه بس عسانا نلحق على شعيب يمشي بكرى وان شاء الله خير

[سيف العارض]

الله الله يابو نوره
تقرير ولا اروع بصراحه
الله يطرح فيه البركه يارب

[تركي الوايلي]

وعليكم السلام ورحمة الله وبركاته

ما شاء الله تبارك الرحمن

جعلها الله امطار خير وبركه يارب

وتغطيه رائعه ومميزه
بارك الله فيك يابو نوره ولاهنت يالغالي .

[أبو عبدالله]

ماشاء الله تبارك الله

واسألوا الله من فضله

الخير مستمر على هالبلاد الطيبة

مبارك عليكم هالامطار وجعلها الله امطار خير وبركة

[أبو عبدالله]

ياماحلا البراااااد

[بنـت الجنـوب]

ماشاء الله تبارك الله وش هالابداع

خنقتني العبره ما ادري ليش بس تمنيت اروح هناك

احسه خياااااااااااااااااااااااااااال

ماشاء الله عليك وبالعافيه الغدا وتقرير اكثرررر من رائع ماشاء الله تبارك الرحمن

واعطيتنا فكره حلوه عن المجمعه على كثر ما تمنيت اروح لها ما احد طاعني بس بجد ماشاءالله الله يسعدك

هالتقرير اللي بجد مفروض يحتفظ بالصور
روعة التصوير وروعة التقرير

لا عدمنا هاليدين اللي وضعت التقرير

ولك فائق احترامي وتقديري

[هواوي الغيم]

جعلها الله امطار خير وبركه

[عبدالله العيدي]

ومقدمه .. وتصوير .. وتوثيق ..

مادري وش اقول وش اخلي
ماشاء الله تبارك الله يابونوره عودتنا على الجديد والمميز
تسلم يمينك ولاهنت