قلي هلا واقول صبحك بالخير

[ماء زمزم]

قلي هلا واقول صبحك بالخير
قل مرحبا واقول ياروح روحي

حيثك هواي من البني الغنادير
واليا عذلني واحدن قلت موحي

اغليك ماطاوعت عذال ومشير
وحياة من مشا السفينه بنوحي

قلبي على لاماك يكفخ كما الطير
ماعدلت روعات قلبي فروحي

ورجلي تزيد المشي يمك بتصخير
ولا تعدت يم غيرك شبوحي

وهموم قلبي منك ورد ومصادير
اكن عبراتي ودمعي يفوحي

وشجابني لولا ان هذي مقادير
الا انها كتبت بلوحك ولوحي