امس الضحى في مجمع السوق جاني

[فتى الرابيه]

من نوادرالشاعر - مرشد البذال رحمه الله
--------------------------------
أمس الضحى في مجمع السـوق جانـي
غـرو(ن) يسـل الـروح زيــن امشيـانـه
شفـتـه يـخـازرنـي ويـضـحـك وزانـــي
واشــوف فـيــه مـــن المـحـبـة بـيـانـه
أخــذت لــي سـاعـة وانــا فــي مكـانـي
وهــو يـخـازرنـي وهـــو فـــي مـكـانـه
مشـيـت يـمّـه والـغـضـي مـــا دعـانــي
أبـنــشــده وش حـاجــتــه ووقــفــانــه
قلـت انـت وش حاجتـك يـا مودمانـي ؟
يـا عـوق مـن مثلـي رمــى بــه زمـانـه
ضـحــك يـقـصّـر كلـمـتـه بـــه نـفـانــي
ولـيـا ضـحـك يظـهـر طـويـرف ثمـانـه
يـقــول أنـــا لـــولاك مـاجـيـت عــانــي
جـرحــك بقـلـبـي قـــد تـبـيّـن ضـمـانـه
جـحــدت حـبــك لـيــن حـبــك فـضـانـي
خفـيـت مــن عـقــب الـحـيـا والـوثـانـه
قلـت انـت ا ظنـك جاهـل(ن) معشرانـي
قلبـك علـى الضحكـة وسيـع(ن) بطانـه
تــقــول هــــذا شـافـنــي واشـتـهـانــي
لاشــك اباضـحـك لــه وازيــد امتحـانـه
قـال انــت فــي حـبـك تـعـادل اخـوانـي
أنــــا قـتـيــل الــحــب مــابــي لـعــانــه
محد(ن) ومرنـي لـك ولاحـد(ن) نهانـي
أعــرف صحـيـح العـلـم كـانــك تـكـانـه
قـمـنـا نـسـولــف بـالـرجــا والـتـمـانـي
كــل(ن) ركــد قلـبـه وهـــان اخفـقـانـه
نـبــي نـثـبّـت مـوعــد(ن) يـــوم ثـانــي
مسـتـانـسـيـن ولا عـلـيــنــا اعــيــانــه
جـتـنـا عـجــوز(ن) قلـبـهـا مشبـهـانـي
هـي مـا كـر الـظـن الــردي واعرفـانـه
شيـبـا مــن العـجـز الـطـوال المـحـانـي
ذرعانها اضعـف مـن عصـا الخيزرانـه
ماهيـب مــن بـعـض الحـريـم الوثـانـي
ملـقـوفـة(ن) مـــا ظـــن فـيـهـا ديـانــه
قــالــت وراكــــم يـاخـبــاث الـمـعـانــي
مـا تستحـون مـن العـبـث والشطـانـه ؟
قـامــت تـهـددنــي بـعـلــم(ن) كــوانــي
خــلاّ هـــوى بـالــي يـزيــد اوحـشـانـه
تــقــول هـــــذا غـــــادر(ن) قـلّـبـانــي
يـامـا لـعـب فــي قـلـب غـيـرك وخـانـه
قـلـت اسمـحـي يـامـال بـــرد الجـنـانـي
يـــا عـمّـتـي ســـدّي مــعــك بـالامـانــه
النـاس فـي عـيـد(ن) تــدور الحسـانـي
حـتــى الـربـيـط يواجـهـونـه اخــوانــه
خوفـي مــن الله يــوم عـيـد ارمضـانـي
وش لــك بـسـد المبتـلـي واكشـفـانـه ؟
والله مــــا نــاشـــت ثـمــانــه ثـمــانــي
وش لــك عليـنـا بالـلـغـى والاهـانــه ؟
أمشـي علـى فالـي ولا احـد(ن) دعانـي
من عرض ناس(ن) كل زول(ن) بشانه
قــالــت نـعـرفــك يـانـظـيــر الـعـيـانــي
مــا نـيـب مــن تغـبـى عـلـيـه الـذهـانـه
ان عــاد شفـتـك عـايــد(ن) هالمـكـانـي
والله لاقـــول فــــلان بــاغــي افــلانــه
قـلـت ابـشـري يــوم ان ظـنّـك دهـانــي
أنـــــا بـحــفــظ الله وانــتـــم بـامــانــه
أقـفــيــت أذاود عـبــرتــي بـمـشـيـانـي
والـقـلـب كـنــه تـرتـكــز فــيــه زانــــه
يـاعــلّ مـــن سـلــط عـلــي وحــدانــي
يحـدى علـى مكـوى حـديـد(ن) سنـانـه
يصـبـر عـلـى جــزره وهـــو مـايـدانـي
مـن سـم داب(ن) شقرتـيـن(ن) لسـانـه
ولـيــا خـلــص مـكــواه زاد اكفـخـانـي
سـمّــه عـلــق بالـكـبـد قـبــل اكـويـانـه
تـاخــذ لـهــا سـاعــة تـجــر انـهـتـانـي
قـبــل الـولــي مـنـهـا يـشـيـل الامـانــه
تـقــول بايـحـنـي وانـــا اقـــول مـانــي
مثـلـك علـيـنـا مـــا يـجــوز اشـرهـانـه
أنـــا لـيــا مـتّــي وجــــا يــــوم ثــانــي
والله لــجـــي قــبـــرك وازوّد دفـــانـــه
واقـــول هــــذي حــوبــة المـولـعـانـي
هـــذي سـبـايــب حــرّتــه واحـسـدانــه
مـنـتـي بـمـثـل الـعـجـز يـــم الـنـوانــي
الـعـجـز فـيـهـن قـشــر وبـهــن لـيّـانـه
وانـتـي عــن العـربـان فـرقــك بـيـانـي
كـــان العـجـايـز تـمــر انـتــي خـنـانــه
-------------------------------------
تحياتي للجميع

[محمد آلحربي]

صح لسان الشاعر وصح ذوقك ياراعي الذوق قصيدا جميله جدا

بارك الله فيك