السلام عليكم ورحمه الله وبركاته
والحمد لله على رجوع منتدانا البراري
واليوم مع بعض قصائد الشاعر الكبير
سعد بن جدلان الاكلبي
وهو كما يسميه البعض ظاهره شعريه نادره
وقصائده تحمل من المعاني الكثير
المهم اترككم مع بعض قصائد الشاعر
ودّنا بالطيب بس الدهر جحاد طيب
كل ماتخلص مع الناس كنك تغشهـا
يدك لامدت وفا لاتحرى وش تجيب
كان جاتك سالمه حب يدك وخشهـا
كل ماشبيت نار المحبه مع حبيب
قام يسحل فـي مشاهيبهـا ويرشهـا
كل ماواجهت لك في الزمن وجه غريب
مثل ماقال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسـرح يقتشهـا
.................................................. .........................................
آه يـا قلـب ياللـي دايـمٍ فـي ذهـول
والله انـه ثقيـلٍ ليـن جــوه الثـقـال
يـا قطـاة العبيّـه يـا هـيـام الـذلـول
يـا عيـون النـداوي يـا رقبـة الغـزال
نور وجهك على من شاف منـك القبـول
نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول
انـا قلبـي يحبـك يـا حبيبـي تعـال
كان قدّمـي حـدٍ فالحـب راح امهبـول
والله انـه خطيـرن لا يجينـي اهـبـال
المحبـه جملهـا مـرسـلٍ وامعـقـول
لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول
ان حبـك لحـال وحـب غيـرك لحـال
.................................................. .....................
وهذي البيتين بدون نقط
مع الهم والوسواس والسهر والولـوال
احاول على حلو الحلاوى وهو محـال
سهوم الوساع السود لاهل الهوى سلال
هو اللؤلؤه وهوالدارهم وهو راس المال
وسامحونا على القصور
هذا اللي قدرت احصله
على انه للشاعر كثير من القصائد الاكثر من رائعه
ونلتقي مع شاعر اخر
ان شاء الله تعالى
2007-05-04, 10:29 PM
الظاهره الشعريه
العرض العادي
