متن السحابه

[كمال البدور]

متن السحابة / قصة حب -- الجزء الاول

صبحيني فيه يا متن السحابة
وامطري لي من غلاه اللي فتني

شاقني شوقه ومكن بي صوابه
يا صواب ٍ هيض حروفي وفني

رف قلبي من لمح جاري الكتابه ...🖋
ولحظة ارسل ضاع كل العلم مني

هي "صباح الخير" مافيها غرابه
الغرابة ... اشعر ان فيها ..تمني

للوداد اللي ...فتح للروح .. بابه
وللمشاعر اللي من مــده جـفـني

اشعر انـــه ينتظر " يا مرحبا به "
رد مني .... للصباح اللي شطنّي

للمحبة .... ياعرب والله مـهـابـه
قدرها مابين .. هو .. كنه و كني

لا سألت ... ولا انتظر منـّه اجابه
الجواب .. مطـابق ٍ ظنه وظني 😉

#خوافي الشاعره القديره