لوبكيفي قلبي محد يدخله

[ندى الورد]

قول عادي.. بالي الليله طويل ..
............ شُوف لِك عذرٍ قديمٍ / وأقبلَه !!


لا تحاتي ... قلبي مِتعَوِّد يشيل ..
............. الجُروح اللي تجي له مُقبِلَه ..


" طيبتي " صارت مثل كف البخيل
............ أيِّ شَي طايح .. تِشُوفـه ؟ تحمِلَه


و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَه


وعادي جداً .. إنِّي الليله عليل ..
............ الحزن : يحْسِبني واحد مِنْ هَلَه !!


ومو غريبه .. لو تِمَنِّيت الرحيل
............. البقاء أحيان , يعني .. البهذلَه !!


في غيابك .. ما لَهَا الضيقه مثيل ..!
............. وربِّي اللِّي .. ما يشاءهـ , يفعلَه


مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَه


وعيب راسي لا بغى شي " مستحيل "
.............. يوصله مو طيب .. غصبٍ يوصلَه


ليه راجع ؟! ليه ذاكر ..؟ يـ الأصيل ..؟؟
................ إنت ضايق ..؟! في خطأ بالمسألَه !!


وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَه ؟!


و البلا .. إن حَبْ أنسان " ثقيل "
.............. ينسى مِن حُوله ويسْمَع مُذهلَه !!


مِن عرفتك .. ما بقى بـ اليَد .. حيل
.............. ولو بكيفي .؟ قلبي محدٍ يدخلَه


ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَه !!


فاقد الإحساس / ما يعطي القليل
............... وإن عطيته إحساس قلبك ؟ يقتِلَه !!


إيه بـ أرحل والطريق أدري .. طويل ..
............... مشكله " قربك " .. وبُعدِك مشكلَه !!


وإن خذاني المُوت إترك قالٍ وقيل ..
............. قول هـ الجُمله .. وخطاك أمحلِّلَه


ربِّي إلهَم أهله الصَبر الجَميل
............ وإرحمـه يا رب وإحسِن مدخلَه
مماراق لي

[الذعذاع]

فاقد الإحساس / ما يعطي القليل
............... وإن عطيته إحساس قلبك ؟ يقتِلَه !!

صح الله ذووووقك قطر الندى
ابياااات جميله
واختيار راقي
لاهنتي يااااذوووووق
تحيااااااتي

[جريح الضماير]

يعطيج العافيه اختي قطر الندى

[ام الدانه]

ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَه !!


الف الف شكر لكي يالغالية رااااقت لي كما رااااقت لكي

دمتي بخيررر

[ابو طلال الفيفي]

" طيبتي " صارت مثل كف البخيل
............ أيِّ شَي طايح .. تِشُوفـه ؟ تحمِلَه
****************

انتقاء جميل

سلمت يداك ع النقل

[برق العارض]

يعطيك العافيه على القصيده


لاجفانا القل واللي روابعهم ضعوف
جعل ربي مايرينا غضبه ولاجفاه

[ندى الورد]

صح الله ذووووقك قطر الندى
ابياااات جميله
واختيار راقي
لاهنتي يااااذوووووق
تحيااااااتي

الذعذاع سرني مرورك العاطر الاخلا ولاعدم

يعطيج العافيه اختي قطر الندى

جريح الضماير أشكرلك مرور اللامع

الف الف شكر لكي يالغالية رااااقت لي كما رااااقت لكي

دمتي بخيررر

أم الدانه هلابك يالغاليه سرني تواجدك الرائع لاخلا ولاعدم

أنتقاء جميل سلمت يداك ع النقل

بو طلال الله لايحرمني هن هالطله لاخلا ولاعدم

يعطيك العافيه على القصيده

برق العارض
لك شكري وتقديري على مرورك اللامع لاخلا ولاعدم