اطلع للبر واكشت واكسب اجر(( حقيبة ادفئني))

[ولدالعز]

السلام عليكم ورحمة الله وبركاته

((حقيبة أدفئني))

كلما خرجنا للبر نجد ان اغلب رعاة الغنم والابل لايلبسون مايدفيهم

لان اغلبهم منهم على كفالته لايرحمهم الا القليل منهم
تجد ان راتب الراعي يستلمه بعد ثلاثة اشهر وهو بعيد عن المدينه

اقتراحنا هو

مسمى الحقيبه

وتشمل :-
1- بجامه
2- شراب
3- قفاز شتوي
4- كوفيه((طربوش شتوي))
5- شال
6- بنادول وفازلين وفكس
7-وضع كتيب صغيرة أو مطويات
ويوجد عند مكاتب الجاليات - جزاهم الله خير -
حقائب دعوية بعددة لغات تستطيع تأخذها وتضعها في سيارتك وتوزع على أي شخص يواجهك


اخواني اتمنى منكم تطبيق ذلك مع بعض لو ملابس مستعمله

اقولكم اسعار هذي البجامه بالجمله يمكن تطلع من 10الى 15 ريال
درزن الشرابات انواع فيه 10 ريال الى 100 ريال
قفاز شتوي 16 ريال طربوش درزن 16 ريال

شال الدرزن 20 الى 30 ريال

القفاز الابيض درزن 3 ريال ثلاثه ريال فقط وكذلك الفازلين بالجمله رخيص وضع لكل نفر بكيس

كلها في البطحاء وشارع السويلم بتلاقون اسعار رخيصه جدا



اتمنى تطبيقه لكل الكشاته

اسئل الله ان لايحرمنا ويحرمكم الاجر

منقول من احدى المنتديات

[عادل سدير]

جزاك الله خير على هالفكرة الطيبة

[محمد النجيبان]

فعلا كلامك صحيح بأن اغلب رعاة الغنم والابل لايلبسون مايدفيهم
مشكور يالغالي على الفكرة

[سراب الصيف]

مشكور
جزاك الله خير

[ولدالعز]

مشكورين اخواني على المرور

[القلب الصافي]

يعطيك العافيه على المعلومه

[جبل سنار]

لاتنسى اخي بانك تحاسب على كل شي تقوله يعني اللي اقصده بأنك ظلمت ناس في كلامك واذا انت صادق فيه بيوت محتاجه اللي يتصدق عليها واعتقد الرعيان مهم بحاجه لبجامه سعرها بخمسة عشر ريال .
تقبل مروري

[الاليم]

جزاك الله خير على هالفكرة الطيبة

[أسير الصحراء]

جزاك الله خير نعم في من الراعيان مظلوم في حقه عند عمه حتى كسوه مايكسيه والله اني اعرف واحد منهم

[عطر الياسمين]

يسلمو ع/ الموضوع الجميل ...

لآعدمنـــآك يآرب
.........