من أساطير الأولين ....... (( حلم الضبعة صحو وإلا غيم ))

[((أبوأسامة))]

بسم الله الرحمن الرحيم


السلام عليكم ورحمة الله وبركاته

بداية ً

اتمنى ان يعتبر الجميع هذه السواليف والعلوم عن الأولين خاصة للمبتدئين بالدرجة الأولى

لأن الكثير منهم يمكن أبوه ماهو راعي سحاب ويمكن ما لحق على أهل السحاب من أهله وهنا يجد علوم الأولين ويربط الماضي بالحاضر وعلى قولتهم اللي ما له أول ما له تالي

وبالنسبة للأمور العلمية البحتة أكيد المنتدى مليء بها ومشبعة بالبحث والشرح
من قبل الخبراء المتخصصين

وبهذي وهذي يصبح مخاييلي من الدرجة الأولى

أكيد مع المشاهدة والملاحظة الشخصية فهي الأساس المتين

نرجع لحلم الضبعة

وهي من الاساطير التي يتداولها الأولين

وهي روايات مختلفة

لكن منها

أنهم شافوا الضبعة يقلبها السيل مرة يطلع راسها ومرة يختفي وهكذا دواليك وفي مرةٍ من المراريت

نادوها وقالوا يالضبعة وشلون السيل

قالت : ديمة (( ما تعرف توصف السيل ))

ثم يختفي راسها مرةٍ ثانية

ثم يطلع قالوا يالضبعة وش تتوقعين بكرة ؟

قالت : (( إما صحو .............. وإلا غيم )) .............................

قلتُ : أكيد مافيه شئ ثالث

ويقصدون بهذه الاسطورة

أن بعض الناس ما يدري وين كوعه من بوعه في الطقس

وأنه ما يعرف يوصف السيل وهو شايله شيل ويقلبه تقليب

وأنه في التوقعات من جنبها يقول بكرة صحو والا غيم ............................. أجل وش بيصير ما فيه شيء ثالث

وهو حال بعض المتكلمين في الطقس

يقول بكرة إما مطر وإلا صحو

وعليه فإن بعض محللي الأسهم يحلمون مثل الضبعة بكرة السوق إما بيطلع أو بينزل ........... أكيد ......... أجل بيوقف

ولذلك أحذر أن تحلم .................................... ههههها

بس أها لا تقولونها لخبراءنا إذا قالوا بكرة إما منخفض والا مرتفع

قولوها لحقين الارصاد والجرايد ....... الله من الدجة

وتقبلوها بصدر ٍ رحب والمقصود الفائدة بالدرجة الأولى



محبكم
.............((أبو أسامة)).............

[الراصد]

اي والله الله من الدجه:0022:

[برق السحاب66]

مشكور يابواسامه ونطلب منك المزيد

[ابو شهد 2222]

ههههههههههههههههههههه

مشويازين سواليف الاولين زيناه بس عاد خابره حلم ؟؟؟؟؟؟؟؟ صح والا لا

[عاشق الغيمة]

ههههههههههههههههه

حلوووووه بكره صحو ولا مطر

يسلموووووو

[المبشر]

وعليكم السلام ورحمة الله وبركاته

هلا وغلا بالغالي

فعلا البعض قد لاينقل الوصف المطلوب عند سقوط الامطار ولايعرف قراءة خرائط القراءه

الصحيحه بسبب عدم الخبره

المرء لايولد عالم لكن مع المثابره والممارسه والاحتكاك باصحاب الخبره امثالك يتغير

حاله من حسن الى احسن باذن الله

[محمد النجيبان]

الله يبيض وجهك يا بو أسامة على هالموضوع الممتع والسوالف الزينة

[بوعبيد السويدي]

تسلم ابوأسامه على الكلام الطيب نعم هذا حال بعض الناس بارك الله فيك

[هاوي هواه]

وعليكم السلام ورحمة الله وبركاته
لا الحين خلاص أنحلت المسألة !!؟ كيف؟ أقولك....:0055:أكتب بمعرفين وحد تقول فيه صحو أو السوق بينزل والثاني تكتب فيه غيم والسوق بيرتفع :tfkyr:
والله يعطيك العافية و يجزاك خير

[الخالدي1]

مشكور أبو أسامه

ولسان حالك يقول إياك أعني وأسمعي ياجاره

بعض اللي يقال خبراء طقس هنا تلقى كل يوم له رأي عشان اذا صابت مره قال إني قلت لكم هههههههههههههههههههه.