قصيدة شاب غيور

[عاشق الجبل]

السلام عليكم ورحمه الله وبركاته



هذه قصيدة الأخ : نايف بن عرويل التي قالها ردآ على أبن زلفه ( هداه الله ) الذي يطالب بقيادة المرأة


متناسيآ أن سمو وزير الداخلية حفظه الله لايوافق على كل مايتعارض مع الشريعة الإسلامية .




للتحميل


https://www.7eda.com/f/dewanalarab2.rm





تخيلوا لو الحريـــــــــــــــم بيسوقن
ونلقى لهن في كل شارع ظرايــــف

تلقى العجايز في الشـــوارع يدورن
وسيارة الاسعاف تركب حسايــــــف

لو تاخرنا دقايــــــــــــــــــــق يصيحن
ثم اركبوا فوق المواتر ولايــــــــــف

قامت تكبس لك بالانوار يـــــــــــاهن
بين أخوياك وصرت محرج وخايــف

تخيلوا لو ذات يــــــــــــــــــوم يمرن
عليك دوريات والجمس طايـــــــــف

ويوم طرحوه يصيــــر موقفك محزن
تلقى العجوز مكلبشه ياحسايـــــــــف

تلقى البني في كل جلسة يتــــــــــــكن
طقة بلوت ومعهن الكيف كايــــــــــف

هاذي تبي تحكم وهذي تبــــــــــي صن
والبيت ضايع بدون طبخ وغرايــــــف

يللي لنوبـــــــك فــوق راسك يحنــــــن
اللي في قلبـــــــك طلعته الشفايــــــــف

انظارنـــا مــــــن فوق ذكرك يشوحــن
نشوف شين ماتشوفه ياهايـــــــــــــف

حق المره ياشيــخ تلعب على مــــــــن
خبلان حنا ولا وش انت شايــــــــــــــف

ويــــن انت عن صوت الارامل ينــوحن
وين انت عن حق المره في الوظايــــف

ويـن انت عن جملة بنــــــــــات يضيعن
وينك انت ياراعي العلوم النصايـــــــــف

لو هي بديكم كان قلتــــــــــــــوا يغنـــن
لكن صدمتوا الجبال النوايــــــــــــــــف

من دونهم حنا وفي قلوبنـــــــــــا هــن
الطاهرات الساجدات العفايــــــــــــــف

والمسألة لاصار لحقت شـــــــــــرفهن
يروح فيها ياآل زلفه طوايـــــــــــــــف

هاذا كلامي وسمعه زيـــــــــــن وأذعن
قلته ولاني من تواليه خايــــــــــــــــــف

قلته وباقف وارفـــــــع الصوت وأعلن
ارادة الامة على لسان نايــــــــــــــــف

ماهو تخلف لارفضانــــــــــــا يسوقـــن
راس التخلف لاتركنا العطايـــــــــــــــف



وسلامتكم

[معدي المرقاب]

صح لسانك ولسان الشاعر نايف


قصيده جميله تعالج قضيه قيادة النساء للسيارات


مشكور

[عبد الله الحقيل]

كفو والله وصح لسانك ولسان الشاعر يابعدي ...

ومشكووووور على الاختيار الرااااااائع ...

أخوك : عاشق البران ،،،

[فتى الساروت]

صح السانك وصح السان الشاعر


والله انه صادق تخيلو ياشباب ان المرءه تسوق

[عبدالهادي المفرج التميمي]

اخوووووووووي هذي انتشرت بالبلوتوث يقولون انها للمريخي ؟؟

تراني ما اكذبك بس انشد نشده يمكن تصير انت اللي صح واللي نشرها ما يدري

مشكوووور على القصيدة وهي رد على قصيدة ياسر التويجري





سلام

[عاشق الجبل]

صح بدنك أخوي معدي المرقاب




حياك الله أخوي عاشق البران



صح بدنك أخوي فتى الساروت





الأخ : هادي


صبحك بالخير


خذ العلم مني وأنا أخوك


الشاعر هو نايف بن عرويــل

[معدي المرقاب]

نعم كما تفضلت اخوي عاشق الجبل


الشاعر هو نايف بن عرويــل


مشكور

[ابن بدران]

صح لسانك ابو منصور ولسان الشاعر نايف

[عاشق الجبل]

بارك الله فيك أخوي الغالي معدي المرقاب



صح بدنك يالغالي ( ابن بدران )

[الغربي]

تسلم يالغالي وصح لسانك ولسان الشاعر


والشاعر
مثل ماتفضلو الشباب
هو نايف بن عرويل العتيبي