رحلتي الى الياقوته سريلانكا .. مدينة كاندي.. التقرير الثاني

[ناصر العثمان]

السلام عليكم

كيفكم شباب

اليوم هذا التقرير لليومين الثاني والثالث في سريلانكا

في المساء في فندق سنمون قراند بكولومبو الصراحه الفندق اكثر من رائع ويطل على بحيره رائعه تكثر فيها انواع الطيور
اترككم مع الصور



احنا حجزنا ليله فيه تقريبا سعر الليله مع الفطور والعشاء تقريبا 300 ريال والعصير تشربه في اي وقت مجانا والاكل في المطعم بوفيه مفتوح كل شي متوفر





هنا محمد ياكل في سرطان البحر مدري وشو والله ياهو حااااار فلفل .. هههههه



الصوره تعبر هع

وفي الصباح توجهنا للمسبح للسباحه لعدم وجود السياح في الصباح



خرجنا من الفندق في الصباح واسف ما صورت وجبه الافطار الصراحه عليهم بيض مدري وش حاطين فيه المهم خرجنا من كولومبو والزحمه





اللباس لدى الطالبات المسلمات هناك والصراحه اعدادهم جدا قليله ربي يكثرهم



وفي الطريق مدح لنا السواق هذي الفاكهه طعمها رائع مو مثل اللي عندنا في ابها جوز الهند



شاهدت كثره هذا الفاكهه في الطريق وسألت السواق وقال هذه الفاكهه محببه عند اهل سريلانكا قلت وقف نجربها



شكل الفاكه مدري كيف ولاكن طعمها حلو جدااا



صاير حقل تجارب هناك هههههه



صوره لنهر مهاويل اعجبني شكل الحكار





نكمل المسيره الى كاندي





من طلعنا من كولومبو 130 كيلو كلها سيارات ومنعطفات وزحمه سكان و الارض حضرااااااااء



احدى القرى اللي مرينها فيها ويكثر فيها المسلمين





وجعني راسي من كثر الحضار والاشجار في جميع الجبال



انا مع السواق جهان







وصلنا مدينة كاندي وهي تعتبر اكبر مدينة بعد العاصمه كولومبو وتسمى عاصمه الثقافه لكثره المعابد القديمه وتاريخها القديم ويوجد بها اكبر نهر في سريلانكا



بحيره كاندي الصراحه منطقه رائعه اترككم مع الصور







بجوار البحيره تكثر فيها القصور الكبيره والفنادق



احد المعابد القديمه بجوار البحيره

اتجهنا بعدها الى الفندق اسمه ريجنسي يعتبر من افخم الفنادق في كاندي وكان سعره تقريبا 300 ريال شامل الفطور والعشاء بوفيه مفتوح ويقع على نهر مهاويل .. ويحيط به الكثر من الغابات وراح انزل بقيه الصور للفندق غدا ان شا ءالله
اترككم مع صور الفندق









استقبلونا على طول بعصير ما عرفت وشو بس طعمه مثل الجح هههههه





نهر مهاويل بجوار الفندق





في المساء لما يروحون الاوربييين وهم ياخذون حمام شمس مدري وشو يفضى لنا الجو للسباحه
طبعا الجو هناك دافئ مايل للبروده ولاكن منعش ..







لم انزل الا صوره واحد لداخل الغرف نسيت اصورها

خويي محمد جربت له جميع انواع القهاوي ما دخلت في راسه يبي قوه عربيه وفيها هيييييل
واحنا نتمشى في الفندق لقينا لنا شباب سعوديين والله ما قصرو معانا .. بالقهووه والكرم والطيب معاهم عزبه قهوه وشاهي .. والنعم فيهم والله .. وهم من حوطه بني تميم







توجهنا للمطعم لتناول وجبه العشاء



الريبيان مقلقل قال لي تبيه سبايسي << حار قلت لا .. الصراحه انبسطت باكل شي مافيه فلفل
هههه ولاكن والله يافيه من الفلفل ....



اعجبني الفلفل المحشي ههههه

توجهنا لمنتزه حدائق برادينيا اذا ما خاب ضني



هنا المشاتل لجميع انواع الزهور

[ناصر العثمان]

الخفافيش فيها كبر غير طبيعي وتطير في النهار





محمد دخل وسط شجره كبيره مجوفه مدري وش سالفتها















الشجر عندهم طوااااااااااااال وهنا شوف والغريب في الشجره جذورها





ههههه صدت محمد وهو يتسلق في الشجر << ماوكلي

جوله بجوار النهر اترككم مع الصور















صوره للسد لقيناه على الطريق

الرجوع للفندق





وإلى اللقاء في التقرير الثالث ان شاء الله

تحياتي
ناصر العثمان
محمد البرغش

[طارق بن زياد]

إبداع يا ابوناجم
فن وذوق في الصور والتصوير
الموضوع يستحق الـ 5 نجوم
مشكور والحمد لله على سلامتكم

[كامل العبداللطيف]

الله يا أبوناجم
أعجبني كثيراً هذا التقرير

[الشيخ]

ماشاء الله تبارك الله ،،

تقرير ولا أروع وصور في غاية الجمال بيض الله وجهك يالذيب وجمعكم جميعا في زمرة حبيبنا صلى الله عليه وسلم

بانتظار جديدك من الإبداع الجز الثالث وتقبل مروري وتسجيل إعجابي يالغالي

والخمس نجوم ابجيبها لك في البيت

[حسان القصيمي]

صراحه مميزين جدا جدا
الله يوفقكم

[بدر الرياض]

تقرير يستحق التقدير
الله يعطيكم العافية

[omiran]

تسلم على التقرير الجميل وصور ماشاء الله جميله
والفندق اللي سكنتوه اسمه ايرلز ريجنسي وهو من اجمل فنادق كاندي
ولاتنسو الاسواق الشعبيه في وسط كاندي حول سيتي فود
عودا حميدا ان شاء الله

[عبدالله بن إبراهيم العريني]

صراحه ياناصر صور مهبوله
خلاص انا قررت ابروح لسيرلنكا شغالتنا تبي تسافر وشكلي ابحجز معها على الخطوط السيرلانكيه مابدهاش
بس ياخوي معليش اكلهم يحوم الكبد ابجيب عزبتي معي مثل ربعكم الحواطا انا ناقص مغص وعوار بطن
عاد انا مدمن كبسات وقهوه وتمر سكري
اقول يابو ناجم جعل عيني ماتبكيك انت وخويك هالمعصقل اللي ماغير يتشعمط بالشجر الله يستر عليه لايطيح وينكسر
اعجبني الفلفل المحشي عاد انا مدمن فلفل وشطه
مشور مشكور ياكامل الزيني
اخوك عبادي العامري الرياض مخرج15

[أبوريتال]

هذا التقرير الاجمل صور مميزه للمكان وبتقنيات متعدده
ما شاء الله تبارك الله
اهنيك عليها صور جميله