(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

للحين و احساسي على كفّ عفريت
لا شفت تلويح المقفّين ، شفتك
وينك ذبل ورد الرجا وانت ماجيت
ملّيت احسّ بخيبتي من عرفتك

[بقآيآ .. حرف]

خل الليالي تمر خل الليالي تطوف
الي خذا القلب عيا ياخذ بخاطره
قال انتظرني هنا واقفى وعيني تشوف
وانا لي سنين من قفّى وانا ناطره

[بقآيآ .. حرف]

راهن البال لـ الطاري متى تعتقه
ولـ مساريك ما تهدى خُطاي الزحام
لهفتي وزعتْك بـ كل درب اطرقه
ألمحك بـ الوجيه .. وأسمعك بـ الكلام

[بقآيآ .. حرف]

قريت حزن النخيل .. بْـ ميلة الفيّه
وأيقنت بـ ان انكسار الظل يعنيني !
وأخذت ألملم بقايا الحلم .. بِـ يديّه
حزين لكن شموخ النخل يكفيني !

[بقآيآ .. حرف]

ماعاد لك في فضاك إلا رياح العذر
وآثـارك البالـية من طيـنة الاقــتراف
إن ما كفاك الوجود انحر غـيابي نذر
وأنا علي الصلاة وخلوة الاعـتكاف

[بقآيآ .. حرف]

يابنت واللي خلق فيك الدلع والعفاف
واعطاك ظل النخيل وحالي عذوقها
ماغبت لاجل اختلق دمعة واسبب خلاف
واجرح شعور المحبة واكسب عقوقها

[بقآيآ .. حرف]

لو تحاول تقتل الوصل بسيوف البعاد
ما نزعت الروح من ضحكها وافراحها
سو ما ودك تسويه وارضخ للعناد
ما انطفى جمر الكرامة ولا مصباحها

[بقآيآ .. حرف]

ما تسمع ارباحي صياح المخاسير
لو ان لي قلبٍ فالاوطان تايه
لا تنشدوني وش تجيب المقادير
طرد السراب ولا طعون النهايه

[بقآيآ .. حرف]

أيه أسرقيلي من اللحظات/لحظة غروب
نرمي وراها بعض همٍ جناه النهار
أيه أفزعيلي.. ترى ماعاد باقي يادُوب
خطوه..
وخطوه ياخوفي تنحرف بي يسار

[بقآيآ .. حرف]

للمبــدع / عبدالله الكايد