اول ما نبدا وش نقول وش نقول

[ابو فراس]

السلام عليكم ورحمة الله وبركاته
اول ما نبدا وش نقول
بسم الله بسم الله
ولله الحمد زان الجو وبدأت الرحلات والكشتات
وهذي اولها وبواكيرها
كان الجو رائع يغري بالكشتة
ياشباب وش رأيكم بكشتة شوي بالغضا والجميع وافق
وكان معزبنا ابوحمد ونعم المعزب
معزب على ايه على كم صيخ شوي وياليتهن حديد ولكن خشب استعمال مرة واحدة
فعلا الطريقة ممتازة
وكما هي العادة او الواصلين العمدة اللي هو انا ابو فراس ولكن هالمرة على الديماكس السوزو
ولمن المه الخبر فالجيب ان شاء الله في الطلعات القادمة البعيدة المدى

1
صورة للشفق الاحمر مع محبوبة اهالي عنيزة
شجرة الغضا
1
2
ونثرنا العزبة وشبينا الضو وطبخت القهوة وبهرنا الدلة وحكرنا الشاهي حلو وخامر بأنتظار الاعضاء الكرام


3
والتقنية معنا دائما لكي ننقل صورة حية لاحبابنا اللي هو انتم


4
صورة يحبها اكثر اهل الرحلات والبراري والمكشات

5
وصورة اخرى من زاوية ثانية
6
7
يالله من فضلك سكرية حمرا فاكهة التمور كلها

8
وهنا مقارنة بينها وبين السكرية الصفراء

9
وبدينا انتقهوا من هالخولانية الطازة
يعني توه مطبوخة وليست من ترمس او ثلاجة

10
وهالصورة لبعض الاحباب حيث اصر على ارفاقها بالتقرير

11
حيث انها اول رحلة نبي نكثر من الصور اماهن ببلاش

12
فاضي وما جاء احد من الربع قلت صور قبل يزعجونك يمكن تصيد صورة حلوة

13
واول القادمين حبينا ابو نواف الجارمن

14
وجاب معه هالذيب ابو حمد
حياك الله ابو حمد في مكاشيت ذيابة الصمان والغضا
ولو يابو حمد جلسة ذيب على هالمركاة

15
اول صورة لي مع ذيبنا الجديد
انتبه يابو حمد ياخذونه وهمين يحطونه لاحد لوحات السرعة مثل ما زينوا بصورتي

16
وبعدها وصل ابو صقر وابو عبدالرحمن متاخرين كالعادة وكل واحد يحط الملامة على الثاني
ما ندري من هو الصادق بهم
ولكن مقبولين دائما
وعلى طول ابو عبدالرحمن شال الدلة يتقهوى
يبدو ان السبب هو ابو صقر هالمرة

17
احلى يابو نواف لمبة الراس الجديدة
فعلا كان رائعة

18
والمعزب ابو حمد وصل متأخر وغطا وجهه فشلا
لا تهتم يابو حمد وتصير عندك صدمة
تراه يصير في اكبر العوايل وشف ابو صقر ما تأثر

19
وبعد ان اقتنع المعزب تكرم علينا بهالصورة المقربة

20
هاه ابو عبدالرحمن وشلون حلى الشاهي عساه جاز لك

21
وبدأت النقاشات ويبدو ان بعضها صامتة وشوفو المعزب

22
وبعد صلاة العشاء وصل الاخ ابو بدر وهو على فكرة غير انترنتي وبدون انتظار بدا نقاش ضاحك بينه وبين ابو عبدالرحمن
والجارمن حاطن اذنه يتسمع ويبتسم

23
وهنا عرفنا سبب النقاش
ابو عبدالرحمن يبي يقنع ابو بدر باني السكرية الصفرا ممتازة
وابو بدر صليب الراس يقول السكرية الحمرا افضل

24
ابو ابراهيم يفكر بوضع منتدى شباب عنيزة
وابو صقر ما ادري وش يفكر فيه
انتم وش تتوقعون
علمنا يابو صقر

25
وهنا بدا الشيف الجارمن ابو نواف بتجهيز الجمر للشواء
حلوة الشواء

26
صورة من قوقل لضونا لكي نقول لكم وفروا بالحطب

27
هذا المعزب اذا قالوا معزب
واقف يبي يتأكد بأن كل شي تمام وعلى الاصول
عساه سفرة دائمة يابو حمد
بس ليش حاطن ايدك بجيبك

28
والنتيجة هذي البداية واعذرونا عن باقي الصور خفت يلعبون بالاكل وانا اصور وقلت يكفي صور اليوم
والى كشتة قادمة ان شاء الله

والحمد لله على نعمه
اتمنى ان تحوز على اعجابكم
والسلام عليكم