من القصائد الجميله للشاعر خلف المشعان

[قناص حرب المدينه]

من القصائد الجميله للشاعر خلف المشعان


ياكثرهم لا قلت لك عرفةوجيـه

وياقلهم لا قلـت قـدر ومعـزه


رجل تعزه بعـد ماتلتقي فيه

ورجلٍ قبل ماتلتقـي بـه تعـزه

ورجلٍ ترزه بالمجالـس مباديـه

ورجلٍ فلوسه بالمجالـس تـرزه

ورجلٍ يموت ولا يجيبون طاريهورجل ٍ يجي طاريه في كل حـزه



ورجلٍ يهزه بعض موقف ويشقيه

ورجلٍ مهوب أيّات موقف يهـزه

ورجلٍ ضعيف ويستفزه معاديـه

ورجلٍ كـلام اعـداه مايستفـزه

ورجلٍ تلزه يعترف لـك بخافيـه

ورجلٍ على خافيـه محـدٍ يلـزه

ورجلٍ يوزونه ويزعـل بنيخيـه

ورجلٍ يزعّل من يحـاول يـوزه

ورجلٍ تكزه لا زم انك توصيـه

ورجلٍ بليّـا مـا توصيـه كـزه


من لا فرش للمرجلـه ماتغطيـه


ومن لايخز الناس محـدٍ يخـزه


ان كنت تعرفني فهي عرفة وجيه


موشرط لك بالقلب قدر ومعـزه

[الذعذاع]

من لا فرش للمرجلـه ماتغطيـه


ومن لايخز الناس محـدٍ يخـزه


الله الله
صح ذوووووقك ياااقناااااص
مشاااركه جميله لشااااعر راااائع
لاهنت أخوي وحيااااك الله بيننا
بس انتبه لاتحط مشاركاتك الثانيه بقسم الطقسه هههههه
هلاااابك يالغاااااااالي

[الركام]

مشكور على الاختيار الجميل والذوق الرفيع

[برق العارض]

صح لسانك ولسان ابوموسى

[قناص حرب المدينه]

الذعذاع
صح بدنك يالغالي

[قناص حرب المدينه]

الركام العفو وشكر على مرورك

[قناص حرب المدينه]

صح بدنك برق العارض ومرور جميل

[ابو طلال الفيفي]

ورجلٍ يهزه بعض موقف ويشقيه

ورجلٍ مهوب أيّات موقف يهـزه

ورجلٍ ضعيف ويستفزه معاديـه

ورجلٍ كـلام اعـداه مايستفـزه

************************

شاعر مميز ونقل مميز

بارك الله فيك

[احساس انسان]

كم هو رـآئع آحسسآإسك و كم هي رـآئعه تلك الكلمآإت ..
آهنئك ع هذا الاختيار ,
وتسسلم لنإـآ يمنآإك ..

[ابن حماد]

ياكثرهم لا قلت لك عرفةوجيـه

صح لسان القائل والناقل