[frame="7 80"]
السلام عليكم ورحمة الله وبركاته
اليوم معاكم بسولف لكم سالفة حمود وجسوم وهي سالفة
ايام بدايات الثمانينات
حمود وجسوم ربع بالمدرسة مع بعض << خويا دنيا
خلصوا الاختبارات وارتاحوا ويوم جاء تسليم الشهادات
صار هذا اليوم عند اهل جسوم عزيمة عالغداء
وابوه ما خلاه يروح يجيب الشهادة علشان يساعده
قاله خل خويك حمود يروح يجيبها عنك
جسوم بينه وبين نفسه : ياويلي ويلاه من ابوي لو اسقط
الحين وش الدبرة لو اطلع ساقط وجاء حمود وفضحني بالمجلس
ان شاء الله ماني ساقط ان شاء الله ماني ساقط
راح لجارهم حمود وقال له:
اسمع ياحمود لك والا للذيب
قال حمود: يخسى الذيب آمر ياجسوم
قال : ياولد عندنا غداء و ابيك تروح تجيب شهادتي معك
بس اسمع
اذا انا ساقط بمادة قول احمدوه يسلم عليك
واذا ساقط بمادتين قول احمدوه وعزوز يسلمون عليك
واذا بثلاث مواد قول احمدوه وعزوز وصويلح يسلمون عليك
واذا ناجح قول محد يسلم عليك
تكفى يا اخوي طلبتك
قال حمود : ابشر بعد شوي اروح
وافترقوا ....
طبعا هالخطة علشان ايامها مافي جوالات يتصل عليه
اقصاها تليفون ابو سلك وتلقى البزارين يتلقفون ويردون
جوا الضيوف وكان جسوم يقهويهم
والاب لاهي بالسوالف
دخل حمود ..........
السلام عليكم ياجماعة
وعلى ما خلص سلام والا جسوم قلبه طايح 
جسوم غمز لحمود ينتظر النتيجة
وقال: بشر ياحمود ؟؟ 
قال : وش ابشرك فيه ياجسوم
ابشرك
V
V
V
V
V
V
الربع كلهم يسلموووووون عليك
ياااامسكين
وسقط جسوم مغمى عليه وسقطت معه الدلة
وانهارت الفناجين بلقطة اقرب الى الحركة البطيئة
ههههههههههههههه
والله رحمته المسكين
والقصة واقعية ياجماعة
من ارشيف ذاكرة
اختكم سراب << يعني ماتذكرتي الا هذي 
،
[/frame]
2012-06-25, 03:03 AM
من ارشيف ذاكرتي ... قصة حلوة مرة
العرض العادي
