اقول ياعاذلي رح مالك ومالي.......

[نديم المجره]

أقـول ياعاذلـي رح مالـك ومـالـي = نفس الفتى ماتحب اللـي يعـذربهـا

انا ابخص الناس في حِلي وترحـالـي = النفس نفسي واعرف اشلون احاسبها

لضاق صدري وتاه من الغـثا بالـي = والارض ضاقت وضاقت بي مناكبهـا

نصيت لي مرقبٍ في صحـصحٍ خالـي = في راس رجمٍ تصافـق بـي هبايبهـا

بارضٍ خلا خاليه ماحولـي الوالــي = بس الذيابه تعـاوي فـي مراقبهــا

جلست باعلى الطويل ابكي على حالـي = من حـرةٍ بالحشـا زادت لواهبهــا

وقامت تكسر بصدري عـبرة الجالـي* = اللـي قبـل يتِقـي لـد لمضاربهــا

وقمـت اتفكـر بوقتـي اول وتالــي = وشلون عقب الصفا شانت مشاربهــا

طاوعت ثنتيـن والثنتيـن غربالــي = استاهل اللي حصل لي من مصايـبهـا

يامن يوصـل لابوجـراح* مرسالـي = انا على العهد احارب مـن تحـاربهـا

لغبت عني تكـدر خاطـري السالـي = لغابـت الشمـس ماتنفـع كواكبـهـا

دامك رفيقـي ورب البيـت مابالـي = اضرب على الكايده مانـي بهايبـهـا

يالله طلبتك ودمـع العيـن همالــي = اغفر ذنوبي قبـل تِنشـب مخالبـهـا

احمد بن عبدالرحمن العريفي
(نديم المجره)

* الجالي : وهو الشخص الهارب من مضارب القبيله بسبب جنايه كبيره ارتكبها
* ابوجراح : احمد بن ثامر السعدون

[ابونواف التميمي]

طاوعت ثنتيـن والثنتيـن غربالــي = استاهل اللي حصل لي من مصايـبهـا

صح لسانك يانديم المجره

قصيده جزله من رجال جزل

اعجبتني القصيده من اولها الى اخرها

لا والله ماتستاهل الغربال بعد راسي

تحيتي لكـ

[ام الدانه]

جلست باعلى الطويل ابكي على حالـي = من حـرةٍ بالحشـا زادت لواهبهــا

وقامت تكسر بصدري عـبرة الجالـي* = اللـي قبـل يتِقـي لـد لمضاربهــا

صح الله السانك وعلا شانك
قصيدة بقمة الرووعــه
تقبل مرووري المتواضع

[ام العنود]

لضاق صدري وتاه من الغـثا بالـي = والارض ضاقت وضاقت بي مناكبهـا
نصيت لي مرقبٍ في صحـصحٍ خالـي = في راس رجمٍ تصافـق بـي هبايبهـا
بارضٍ خلا خاليه ماحولـي الوالــي = بس الذيابه تعـاوي فـي مراقبهــا
جلست باعلى الطويل ابكي على حالـي = من حـرةٍ بالحشـا زادتلواهبهــا

كلمااات على الجرح
قصييدة جدا جدا رااائعة وفآقت صفآت الجمآل ..
طرح راقي ..
شاعرنا المبدع نديم المجره
شكرا لك ع هذي الرائعه..
لا تحرمنا من بآقة جديدكـ ..ودمت يخيررر وسعااااادة
أختكم أم العنود

[نديم المجره]

المشاركة الأصلية كتبت بواسطة الخيالي

صح لسانك يانديم المجره

قصيده جزله من رجال جزل

اعجبتني القصيده من اولها الى اخرها

لا والله ماتستاهل الغربال بعد راسي

تحيتي لكـ

يسلم راسك يالغالي
وصح قلبك لاهنت
ربي يسعدك
تحياتي

[نديم المجره]

المشاركة الأصلية كتبت بواسطة ام الدانه

جلست باعلى الطويل ابكي على حالـي = من حـرةٍ بالحشـا زادت لواهبهــا

وقامت تكسر بصدري عـبرة الجالـي* = اللـي قبـل يتِقـي لـد لمضاربهــا

صح الله السانك وعلا شانك
قصيدة بقمة الرووعــه

تقبل مرووري المتواضع

وصح قلبك لاهنتي
ربي يسعدك
تحياتي

[نديم المجره]

المشاركة الأصلية كتبت بواسطة ام العنود

لضاق صدري وتاه من الغـثا بالـي = والارض ضاقت وضاقت بي مناكبهـا

نصيت لي مرقبٍ في صحـصحٍ خالـي = في راس رجمٍ تصافـق بـي هبايبهـا
بارضٍ خلا خاليه ماحولـي الوالــي = بس الذيابه تعـاوي فـي مراقبهــا
جلست باعلى الطويل ابكي على حالـي = من حـرةٍ بالحشـا زادتلواهبهــا

كلمااات على الجرح
قصييدة جدا جدا رااائعة وفآقت صفآت الجمآل ..
طرح راقي ..
شاعرنا المبدع نديم المجره
شكرا لك ع هذي الرائعه..
لا تحرمنا من بآقة جديدكـ ..ودمت يخيررر وسعااااادة

أختكم أم العنود

شكرا على اطرائك
ربي يسعدك
ويحفظ لك من تحبين
تحياتي