تدري وش الي ما يخليني انساك !!!

[برق تمير]

تدري وش الي ما يخليني انساك
............ بيتن الياشفته تذكرت زولك

والا انت راحت بك تدابيير الافلاك
............. مني خذاك الوقت مانيب حولك

امر بيتن تدهله جرت اخطاك
.......... يا كثر ما داجت بحوشه ارجولك

وتاخذني الذكرى اليا جيت مرباك
...........والذاكره ترسمك عرضك وطولك

الله يجيرك لا تخيلت ذكراك
........... يغمى علي واطيح من كبر هولك

لا شفت بابن هو بداية ملاقاك
............بابن على اعتابه تلقيت قولك

ياخذني الهوجاس وانقاد وانصاك
............. ولا جيت يمك قيل يمنع دخولك

من اولن من يدخل البيت يلقاك
...............واليوم من فالبيت يرجي وصولك

عقب الحقيقه بالحلوم اتحراك
...........وبالحلم عيا لا يجيني رسولك

عز الله اني ذقت من حر فرقاك
...............همن قصاني لين صرت امهبولك

م,ن

[الذعذاع]

يااااااااااااسلااااااااااااااااااااااااااااااااااا اااام
صح ذوووووق يابرق تمير
جميله جدا

[ابوالجازي]

صح لسانك ولسان راعيها
رائعه القصيده
مشكور يا برق تمير

[أميرة البراري]

الله الله الله

صح ذوووووقك يامبدع

ابيااااااات في قمة الروعه

سلمت اناملك على الاختيار الموفق

لك خالص شكري وباقاااااتي

تقبل مروري

أميــــــــــرهـ

[ام الدانه]

والا انت راحت بك تدابيير الافلاك
............. مني خذاك الوقت مانيب حولك

جبتها على الجرح يامشرفنا القدير
برق تمير

صح الله السانك والسان قائلها

[الركام]

صح لسانك وصح ذوفك
ابيات جميلة
مشكور برق تمير

[ابو طلال الفيفي]

ياخذني الهوجاس وانقاد وانصاك
............. ولا جيت يمك قيل يمنع دخولك

************

أنتقاء جميل

بارك الله فيك أخي الفاضل