مرثية ( ابراهيم العبد الهادي ) رحمة الله عليه

[عبدالمحسن الرحمه]

بسم الله الرحمن الحيم

( شيخ ٍ على جاره رحيم ٍ وشفقان )


علم ٍ لفاني يوم جاني مسّيان ----------- هزّ الضلوع العوج واعزّ حالي
هلت دموعي والفكر صار حيران ------- حيران واعزيّ على ما جرالي
قالوا الخبر ياعالي القدر وشان ---------- شيخ ٍ توفى قبل وقت الزوالي
ياالله عسى قبره ربيع ٍ وبستان ---------- ويهنى ويسعد بالقصور العوالي
مرحوم ياغيم العطى دوم هتان ----------- يسقي قلوب ٍ ممحلات ٍ خوالي
شيخ ٍ كريم ٍ من سلايل كحيلان ----------- شيخ ٍ يمينه مثل وبل الخيالي
شيخ ٍ على جاره رحيم ٍ وشفقان ---------- يرجي عظيم الشان رب الجلالي
البيت عمّه غربة ٍ بعد ما كان ------------- يسعد بنور الشيخ طول الليالي
لاحان وقت الليل يتلوا بقرآن -------------- ويلهج بذكر الله مرسّي الجبالي
واليوم من بعده حزين ٍ وحيران ------------ راح وقعت بلا رقيب ٍ ووالي
ياالله يا رحمن يا خير منان ---------------- يا محصي ٍ سود الليالي الطوالي
أسأك يامنزل تبارك والانسان -------------- يامنشي ٍ دهم السحاب الثقالي
ترحم لنا شيخ ٍ وتحسن له احسان --------- وتنجيه من نار ٍ بها الحرّ صالي
هذا رجانا يا عليم ٍ بما كان ---------------- انك تجيره يوم عرض السؤالي

( التنسيق يا ادارة المنتدى غير مضبوط )

[عبدالهادي المفرج التميمي]

جزاااااااااك الله خير
وصح لسااانك على هالكلام الطيب
والله يرحم موتانا وموتى المسلمين
قصيدة جزله ووافيه بارك الله فيك
مشكوووووووووووور



سلام

[أبو تميم الفيصل]

صح لسانك والله يغفر له ويرحمة ويسكنة فسيح جناته

[ابو عمار الذبياني]

صح لسانك اخوي حطبه
ورحم الله العم ابراهيم واسكنه فسيح جناته

[عبدالمحسن الرحمه]

المشاركة الأصلية كتبت بواسطة هادي

جزاااااااااك الله خير
وصح لسااانك على هالكلام الطيب
والله يرحم موتانا وموتى المسلمين
قصيدة جزله ووافيه بارك الله فيك
مشكوووووووووووور



سلام

هلا والله مشكور على الرد وصح بدنك والله يرحمه ويغفرله

[عبدالمحسن الرحمه]

أبو تميم صح بدنك مشكور على الرد بارك الله فيك

[عبدالمحسن الرحمه]

أبو عمار هلا والله صح بدنك مشكور على الرد

[سفير الزمان]

صح لسانك اخوي حطبه
والله يغفر له ويرحمة ويسكنة فسيح جناته

[المشراق]

صح لسانك يا ابو مالك
وماقصرت يالغالي
بيض الله وجهك
ابيات جزله من رجل جزل وكريم في رجل يستاهل ماقيل فيه
نسأل الله له الرحمة والمغفرة ووالدينا ووالديكم والمسلمين
ومشكور عدد ماكتبت من كلمات وسطور

[ابونواف التميمي]

الله يغفر له ويرحمه

صح لسانك اخوي حطبه