صباح الخير..
ابيات قد ﻻترتقي لذائقتكم ..واعذروني على التقصير.
على المشتحن ليل الشتاء حمستن واحراق
يجاذب لحون القاف وتزود احراقه
يحده على المنكوس من داخل الاعماق
فراق الوليف اللي له الروح تواقه
وياهاجسي من قبل ﻻتطفي الاشواق
تجمل معي طالبك مع ناس ذواقه
وخلك رديفي وازهل الدرب والسواق
مع اول حلول الليل الى وقت مشراقه
دروب المحبه عسرتن حيل ماتنطاق
وكم ناس فيها ردها الحظ منعاقه
اباخذك معيه دامني للغضي مشتاق
ودام ان قلبي داخل الصدر معلاقه
اﻻ ياوجودي وجد عودن كسير الساق
يجر الونين وطيب الزاد ماذاقه
واﻻ ياوجودي كل مالاح لي براق
وهلت هماليل السحايب على فاقه
واﻻ ياوجودي من ظروف الزمان الشاق
ليا حدت الرجال وانحلت أخلاقه
على واحدن سبحانه الواحد الخلاق
عطاه الولي مصنع هل الزين واسواقه
يلج الضلوع اليا على الصدر طل وواق
ويشلع ستار القلب والطنب ورواقه
وصوفه على غيره خطيره وﻻ تنلاق
ليا شافها راع الهوى يبست ارياقه
محبكم..
جبران الحربي( شطر)
2015-10-07, 07:03 AM
♤ليل الشتاء♤
العرض الشجري