متـى يقـال ســــهيل يشـعل كـما الـــنار

[ابونواف]

السلام عليكم ورحمه الله وبركاته

مساكم الله بالخير يالربع

وسهيل في اخر الشهر باذن الله

الله يلحقنا خير ويطعمنا من خيرهـ ويسقي بلادنا بالغيث والامطار والربيع

اللهم آمين

ووعدنا مع سهيل باذن الله في 24/اغسطس


متـى يقـال ســــهيل يشـعل كـما الـــنار =حتى يطـيب الكـــيف لاهــل الـــهدادي
مســكين راع الطــير لاصــار ماصـــار=وده يصــــــير الـــوقــت كلــه بـــرادي
وده يجيـــه الـوســم يكــثربـه امـــطار =حتـى يشــوف العـــشب بـيـن الكـتادي
لاشــاف لـه جـــره مـع روض وبــحار =يــنـسى مــن الـدنـــيا شــــرابٍ وزادي
طلع من احــراره كـما وصـــف رادار = لاشــافـها مـــعلـــوم طلــــعه وكــــادي
الطــير لـحـّاقٍ اذا صـــادهـــا طــــــيار =مــن عـــقـب رددهـا شـمــالِ وغـــادي
ماكـل مـن يشـــريلـه طـــيور صـقــــار =ولاكــل طــــير يصـــــيد ام الثـنـــــادي
احـدٍ قنـص مقـنــاصٍ ادروبـه اوعـــار =واحــدٍ قــنص مقنـاص دربه حمـــادي
بعــض العرب تقنص من الصيد تختار =وبعـض العــرب ما صاد حتّى الجرادي
ياما حـلا رفقــة طـويلــــين الاشـــــبار = اللـي عـلى صـــوت المــنادي تنــــادي
هـــذا ولـد خـــالٍ وهـــذا ولــد جــــــار =وهــذا ولــد عـــــمٍ بــرايــه ســـــدادي
راع الـولـع جـاهـز مـعا وقت الاسحار =فكــك سبــــوق الطـــير والـنور بــادي
صلـى وحـمّى مـوتـره وقـــت الافــجار = والليــل تـــــوّه بـاقـــيٍ بــــه ســـوادي
ودّه يحـــوف الارض يـمـــين ويـــسار =اقـفـا وخـلا النــار تصـــــبح رمــــادي
ذي لـــذة الـمــــقناص يانـأيـــم الـــدار = تســوى حيــاة اللــي يحــب الـرقـادي
اللـي يـبي المــقناص ياخـذ لـه احــرار =مـن بيــن شــقر وحــمر فيــهن ركادي
وصــــلاة ربـي عـــد مــا طـأيـرٍ طـــــار =علـى النبــي وعــــداد نـبـت البـــوادي

للشاعر /ابوالجازي


رابــــــط الحـــفــــظ والاستماع اضغط هنا

والله مانويت اسجل اليوم ... ولكن قريت هالقصيده وهيضتني


فأتمنى ان تعجبكم وترتقي الى اذواقكم الرفيعه

[مرافق النجوم]

يامال العافيه جعله صوت ما ينقطع يالغالي والله جت في الوقت المناسب

[ابو فرح]

والله هيضتا بالقصيدة

والله يعجل علينا بسهيل

الله يعافيك ويجزاك خير

[القصبي]

يسلم الصوت الجميل ماشاء الله تبارك الله الله يعطيك العافيه

[الصلبوخي]

وعليكم السلام ورحمة الله وبركاته

الله يعطيك العافية اخي الغالي ابونواف

الله لا يحرمنا من هالصوت

والله يغيثنا بالخير والأمطار

وصح لسان شاعرها

كل الشكر اخي

[أبوريان]

وعليكم السلام ورحمة الله وبركاته

الله يعطيك العافية اخي الغالي ابونواف

[ولد نجد]

الغالي ابو نواف
صح لسانك ولسان الشاعر ابوالجازي
وانشاء الله هذه السنه بتقلى الزبيدي نابي فوق سطح بيتكم ... تستاهل على هالشيلة:biggrin:
وجزاك الله خير

[عبدالهادي المفرج التميمي]

صح لسانك ولسان من قالها

مشكووور ابو نواف

ذوقك في الاختياااااااار ممتااااااااااز

مشكووووووووووووووور





سلام

[طيار]

هذا والله الصوت الحلو الله يمتعك بالصحة والعافيه

[nahham]

صح لسانك ابو نواف

تسلم على الاختيار والصوت الجميل