| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2011-09-08, 12:59 PM
|
|||
|
|||
رحلة يوم العيد مع رجال شرواكم .
  كل عام وانتم بخير حياكم الله يأعضاء وزوار منتدى الرحلات وشلونكم عساكم طيبين حبيت اعرض عليكم رحلتنا المتواضعة التي كانت يوم العيد يوم الثلاثاء الموافق 1/10/1432هــ وكانت الأنطلاقه من بريدة مرورن بحائل و العلا و مدائن صالح والوجه و العمود وضباء والبدع ومقنا ورأس الشيخ حميد وطيب اسم وتبوك والجوف ومشروع الوطنية الزراعية بالبسيطا وميقوع وحائل. وبعد التنسيق في الرحلة يجب الحرص على الرجال اللي شرواكم والبعد عن خلان الرخاء لأنهم مصيبه ويجب الحذر منهم وكما قال شاعرنا ابونعيم محمد الخضير عثرت بأسباب المودة والإحسان..
بان الرفاقه بأخر الوقت صنفين
احدٍ تلبس بالتقى بغال الاثمان
..وبفعال أبوه وجده اليوم ينبين
يمشي على درب العلا طير حوران
..دايم بشوش و وافيٍ للوفيين
ماله مع الغدرات مذهب وصدقان
..كريم يدمح زلة الربع الادنيين
واحد كما الحداد بالكير نيشان..
افعاله افعال الردى والملاعين
كذبوب نمامٍ كما فعل شيطان..
يفرح بفعل السو بكل الميادين
لايهمك المظهر ولاهوب تبيان..
كم واحد في مظهره داخله شين
هذا وانا بانصحك في بعض الاحيان..
مالك ومال اللي غدو عنك مقفين
والصاحب اللي يتبع فلان وافلان
..خله تراه بتالي الوقت ياتين
والصاحب اللي يسمع لقول كذبان
..ترا الجمل لاخف حمله غدا زين
والصاحب اللي ناسي كان ماكان..
اعرف تراه يعد ضمن الرديين
والصاحب المنان في فعل الاحسان..
لاتطلب احسانه ولو كان بالدين
واللي طباعه بالردى ذاك جربان..
جنب عنه لاتقول ماهوب يعدين
والصاحب اللي يكتم الحق خسران..
ويله ويله يوم وضع الموازين
واللي بدوره بالقفى ذاك فتان..
لاهو موفق في حياته ولا الدين
واحذرك خلان الرخاء تقول صدقان
..افهم دروس الوقت منول وهالحين
خلوك امير إليا اصبح البوك مليان..
وقالوا ترى تامر على الشين والزين
حتى سحروا قلبك بتفكير ولسان
..وخلوا خيالك مالك دولة الصين
واليا غديت بتالي الوقت ورطان
..واصبحت ماتملك من المال عشرين
لاجيت تجلس تجلس بجنب حذيان..
وعقب المعزة صرت ضمن الحقيرين
هذي وصوف اللي غدى الدرب عميان..
وهذي النهايه سمها اليوم باسمين
احد تلبس بالتقى بغال الاثمان
..واحد كما الجربان بالحال يعدين وكانوا أعضاء الرحلة الأمير ابوعبدالله راعي المجاهيم وشاعرنا ابونعيم وابو عبدالله خالد وامين الصندوق وقروم الطلعة ابو سما وابوفهد وابوعبدالله وليد وابوصالح ومحدثكم ابوعبدالله الطرس . ولحظة وصولنا محطة العلا وبعد اختيار المكان للعشاء والنوم الله يحيكم كانكم بتجون يالرجال ويوم صار الصبح قلنا خلنا نجوب الفيافي جوب واول مانبدء فيه محلب ناقت قوم صالح عليه السلام وهذا مدخلها من بين المزارع وصلنا لمحلب الناقه وبعد المحلب اتجهنا إلى مدائن صالح      وهذي نقوش جميلة ودي ادري وش مكتوب سمعنا انه مكتوب ان هذا المكان او القبور التي موجوده في الداخل ليسمح صاحب البيت ان يقبر فيها احد من غير اهله والله اعلم  لطفاً عدم الرد حتى يكتمل الموضوع
|
|
#2
2011-09-08, 01:01 PM
|
|||
|
|||
|
  هذا القرم ابوسما يشرح طريقة حفر القبور  وهذا شاعرنا كذالك يشرح طريقت النقوش والنوافذ والأبواب ]   وبعدها رجعنا إلى العلا للإفطار لنكم المسير خذو لكم يالرجال شيء يبرد عليكم عن الحر   وبعد الفطور اخذنا جوله سريعه بالعلا      .  وبعد ذالك اتجهنا للوجه شوفو الجبل سبحان الله الخالق  لطفاً عدم الرد حتى يكتمل الموضوع
|
|
#3
2011-09-08, 01:02 PM
|
|||
|
|||
|
لحظة وصولنا إلى الوجه  وهذا شاطي الوجه       وبعد الغداء اتجهنا إلى ضبا وفي طريقنا اليها وقفنا بجوار شاطي محافظة العمود وشهدنا بعد الغروب المفاجأه للذين يشككون بأنه ليس يوم الثلاثاء عيد وهذي الصور اخذتها انا وهي هلال ليلة ثالث العيد  ]  شوفو القمر رفعه ثاني ايام العيد ( ليلة ثالث العيد)  والحمدلله وصلنا ضبا صورة لسوق السمك واتجهنا الى البدع بعد الفطور وهذي صوره لسوق السمك  تفضلو يالرجال على الفطور    لطفاً عدم الرد حتى يكتمل الموضوع
|
|
#4
2011-09-08, 01:03 PM
|
|||
|
|||
|
   وهذا ابوعبدالله يشرح طريقة الحفر يقول نفس اللي بمدائن صالح  وهذا ابوفهد كذالك يشرح طريقة حفر القبور  اشاره في وسط حاره في البدع؟؟!!  وبعد منتهينا اتجهنا لشعيب طيب اسم        لطفاً عدم الرد حتى يكتمل الموضوع
|
|
#5
2011-09-08, 01:03 PM
|
|||
|
|||
|
    وهذي عيون تنبع سبحان الخالق لكن لتصلح للشرب من الملوحه اللي فيها    تفضلو وعذرونا على قل الكلافه حتي يجهز الغداء وترها من مقنا   الحاجه ام الأختراع ضاعت الذرايه وجبنا كل الصحون هههههههه   لطفاً عدم الرد حتى يكتمل الموضوع
|
|
#6
2011-09-08, 01:04 PM
|
|||
|
|||
|
  وبعد طيب اسم اتجهنا الى مقنا الى عين موسى عليه السلام والسراحه شيء يحزن المفروض تسكر ويحط عليها حراس لأن اشوف البدع تفعل شفنا من يتبرك بالمسح في جسمه ومن يشرب منه الله المستعان وهذي منبع العين من الحفره والغريب ان الماء يرصعد يصعد من بين النخل    واتجهنا الى راس الشيخ حميد     وهذا الزيتهامن عام 25/9/1379هـ تقريباً  وبعدها اتجهنا الى حقل ولله الحمد وتم الوصول واخذ بعض الصور من فوق المطل     انتبهو ياجماعة تراها مقرمشه  وبعد ما اصبحنا اخذت صور لمباني في مصر   لطفاً عدم الرد حتى يكتمل الموضوع
|
|
#7
2011-09-08, 01:04 PM
|
|||
|
|||
|
وبعدها اتجهنا إلى السفين الغارقه    وبعد ذالك اتجهنا الى تبوك مررنا عليها مرور الكرام لاننا مشتاقين لروئية مشروع الوطنية الزراعية بالبسيطا لأنها مليأه بامفاجأت وبعد الوصول قام احد المسؤولون بالواجب بأكمل وجه ولله الحمد وجزاهم عنا كل خير وراعي المعروف هو ابوعبدالله راعي المجاهيم من غير قصور بالجميع وهذا قصر الضيافه     بيض الله وجيههم بالطاعه هذا عشانا   تشهوا بس لحم نعام ودجاج وارانب  وفي الصباح بعد الفطور تم اخذنا للتفرج على المشروع     لطفاً عدم الرد حتى يكتمل الموضوع 
|
|
#8
2011-09-08, 01:05 PM
|
|||
|
|||
|
مررنا بقسم غريب وهو مكافحة الحشرات بالحشرات من بيض الحشرات وتفقيسها ووضعها بالحقول هذا بيض الحشرات سبحان الله لو يشوفه احد قال هذي بهرات هههههههههه هذا تراه بيض ياجماعة وبعدها يوضع شريط لاصق لوضع البيض فيه وهذي فقاسه لبيض الحشرات وهذي توضع فيها بيض حشرات وتوضع على الشجره ويخرج منه الصغار ويتغذين من الحشرات الضاره وهذي بيئه يخذون منها البيض وبعد ذالك انطلقنا إلى حضائر الأرانب والنعام والأغنام لطفاً عدم الرد حتى يكتمل الموضوع
|
|
#9
2011-09-08, 01:16 PM
|
|||
|
|||
|
وشفنا طريقة صناعة الكتشب  وجين للحاجه الثانيه وهي الأغرب عند راعين الأبل ههههه شوفو بعيونكم ؟؟!! وهذا مراح المنايح وعددهن تقريباً 350 ناقه كلها تحلب متى يقضون من حلبها تخيلو فيه حلبتين الصباح والعصر اذكرو الله ياجماعة ما شاء الله لاحول ولا قوة إلا بالله وحنى جيناه العصر وهذا مكان الحلب  لحظة دخول البل وهن يتسبقن ماشاء الله ان شهد ان اللي مطوعهن انه رجال ماهو بسيط   نكمل لحظة دخول الأبل لمكان الحل وهن يتسبقن على الحلب لأنهن متعودات على كذا شوفو الطريقه: https://www.youtube.com/watch?NR=1&v=MRCZR79LTDw https://www.youtube.com/watch?v=o9cKaE6l33w وهذه جلستنا عند البل بالدكه   ابوعبدالله منسجم مع السواليف يتطعم بالقهوه  الله يغنيهم ماقصرو الأجواد  واكثر السيارات التى يتم فيه التنقل تصدقون انها تشتغل على مكينة ماء وسرندل واحد هههههههه ذكرون منول البلدية كانت تستعملها  لطفاً عدم الرد حتى يكتمل الموضوع
|
|
#10
2011-09-08, 01:19 PM
|
|||
|
|||
|
وهذا الزيتون على اوله بالنظاج وبعد ماقطفوه يعبونه   وانطلقنا من البسيطا الى حائل وهذي الوداعيه كان الغداء في حائل وتم تصليح الغداء في حديقة السمراء وتفضلو الله يحيكم  وبعد الغداء تم التحرك بتوجيهات من امير الرحله  واشكركم كل الشكر على حسن متابعتكم واعذرونا اذا حصل قصور والحمدلله والشكر له اكتمل الموضوع
|
|
|
|
العرض العادي
