لابد من تعاون الجميع على أحيا الشعر الشعبي الأصيل وبالأخص أشعار الحكمة لما لها من وقع وتأثير حسن على المجتمع ولأنها تدعو للخير والتحلي بمكارم الأخلاق وتحث عليها والتي ما أن تسود في مجتمع آلا وصلح بآذن الله وتنهى عن أفعال الرذيلة والخلق السيئ
وهذه بعض الأمثلة على الحكمة في الشعر الشعبي :
1-بديوي الوقداني :
دوس المخاطر ولا تخشى عواقبها***الموت واحد ولاعند القدر جالي
ترا المنيه اذا مست مخالبها*** تدرك لو كنت في جو السما العالي
------------------------------
آن كثر مالك كبروا به جلالك***جماعة بالخير كلٍ ايمسيك
وان قل ماتلقى رفيق صفالك***خلانك اللي من قديم جفوا فيك
2-محمد الأحمد السديري
كم واحد ٍ له غايه ما هرجها*** يكنها لو هو للا دنين محتاج
يخاف من عوجاً طوال عواجها*** هرجت قفا يركض بها كل هراج
----------------------------
لاخاب ضني بالرفيق الموالي***مالي مشاريه على نايد الناس
ولعل قصرٍ ما يجيله اظلالي***ينهد من عالي مبانيه للساس
------------------------
وبنت الردي حذراك حذراك تعجبك***واحذر تصير لمثل هاذي حليلي
وعن ما يعيب النسل عرب مناسبك***وعليك في بنت الحصان الأصيلي
3-راشد الخلاوي
الايام ما باقي بها كثر ما مضى ***والأعمار ماللي فات منها بعايد
نعد الليالي والليالي تعدنا ***والأعمار تفنى والليالي بزايد
4- محمد المهادي القحطاني
الأجواد مثل العد من ورده ارتوى***والأنذال لا تسقى ولا ينسقى بها
الأجواد تجعل نيلها دون عرضها***والأنذال تجعل نيلها في رقابها
5-سليمان بن شريم
وربعك اليا بان الخلل فيك عافوك***اقرب قريبٍ لك من الناس يشناك
آن كثر مالك اصدقولك وطاعوك***وان قل ما بيدك شانت حلاياك
6-بركات الشريف
اليا نويت احذر تعلم بطاريك***كم واحد تبغي منه العرف واغواك
وحذراك عن طرد المقفي حذاريك***عليك بالمقبل واترك اللي تعداك
7-ضويحي العاطفي
وقت شبابه تختلف فيه الانظار***قليل منهم من يسد النوايب
يوم اكبروا وصار في الوقت ما صار*** كل جلب لبوه مر المصايب
----------------------------
من جالس الاشرار ولو كان طيب***عيب مجيه عندهم وجلسانه
ومن جالس الأخيار يكسب فوايد***ويكفيه عرضه بينهم وانشرانه
8-محمد السويلمي
اضرب طريق الخير واسلك مسيره ***ولا تلتفت للناس عوجاة واقداة
ولو طال عمرك عارف وش مصيرك ***ازبن ولي العرش واتعب على ارضاه
9-براهيم المزيد
واين الملوك اللي لهم خيل واركاب ***ناخت لهم غبر الليالي جملها
واهل التكاثر والتفاخر بالانساب***دارت رحى الدنيا عليهم عجلها
10-مانع العجمي
راعي المعاصي حياته لا تغركم***ترا علته يحتار فيها طبيبها
وترا من عصى شور والديه خاين***في النار والدنيا تبين بيعيبها
وسامحوني على القصور .......والذي يعرف بيت من الشعر الشعبي فيه حكمه ارجوا آن يضيفه آلي الموضوع...
منقوووووووول اخوكم ناصر العبدلي
2012-06-10, 09:05 AM
شعر حكمة
العرض العادي
