الصداقة يا مدور للصداقه
ما تجي لك بالحروف الأبجديه
ما تجي لك بالتصنع واللواقه
تستخف الناس تحسبها غبيه
الصداقة أصلها فرع العراقه
ما تليق إلا لراعين الحميه
ما تليق لمن ينوع في نفاقه
ياخذ ربوعه على تسعين نيه
الصداقة سلم حامين الرفاقه
الرجال اللي مباديهم نقيه
الرجال اللي مخاواهم شفاقه
كاسبين الطايلة في كل هيه
يا صديق المصلحة صحبتك عاقه
خبت ياللي تجزي الحسنة بسيئه
تلتجي بي كل ما صابتك فاقه
وإن عطيتك عضت سنونك يديه
دام علتك الخيانة والحماقه
ما يداويهن علاج الصيدليه
الصداقة حمل مالك فيه طاقه
أنت شيال الحمول الهامشيه
التجارب درس والأمثال باقه
يفزع من الحبل من تلدغه حيه
مستحيل الرجل يكسر عظم ساقه
والعروق اليابسة ترجع نديه
دمتم كما تحبون
2012-06-04, 10:43 AM
الصداقة يا مدور للصداقه ..!!
العرض الشجري