(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

وأعرف إني لو لويت العنق عيّا
ولو عقلت.. القلب عيّا وأعرف إني
رغم هذا الميل كله مستقيم

[بقآيآ .. حرف]

ماكنّي إلا السؤال اللي يثير الفضول
لا جاك غامض وكـل الأجوبة مُقنعة

[بقآيآ .. حرف]

أنا اللي كل ما سلّوا عليك الحاسدين سيوف ،
حذفتك من ورا عوج الضلوع .. و جيت من دونك

[بقآيآ .. حرف]

تجيني في خيالي لين أصدّق في لقاك الشوف !
و تغيب لين أحس إنّ الأماكن ما لها ذمّه .

[بقآيآ .. حرف]

عرفت أن النقي لا أستغفلوه النّاس ماينلام
ما يفهم في حيالات الضعوف إلا ممارسّها

[بقآيآ .. حرف]

عشان يلقى له حياة
ضيّع "حياةٍ" في يديه
ما شافها طيش وسُبات.
وأنكر
تبعثر
وأنجرف
عشان يلقى له شغف..
وقّف على جال الأمان
لكنّه أبحر للشتَات!
غلطة خذت شكل الصُدف.

[بقآيآ .. حرف]

ودّي .. الوّن .. كل شيٍ .. رمادي
في دنيتي وارسم من الدمع ضحكات
،
وارمي ورى ظهر الدروب ابتعادي
وانقش على ارصفة المواعيد خطوات
،
رحلة ضياعي .. ما تحقق مرادي
خلّص فتيل العمر واحترقت اوقات
،
بس التعب لا صار بـ الحيل بادي
ايّات حيل يبلّ .. ريق المسافات

[بقآيآ .. حرف]

ابعد .. واحسب انتهينا ، والفراق انكتب
والقلب .. لو كل عابر ، مرّ به .. ما يخون
،
هيّض شعورك حنيني لين جيت بـ عتب !
جيّتْك حلوه ، ولكن .. شوّهتها الظنون

[بقآيآ .. حرف]

جيت أدور ،،
في كفوفك عن دفا
يحتضن برد المشاعر
وأشكره ،،
يوم شفت الشوق ،
في عينك طفا
رحت أردّد منهو هذا..!!
ما أذكره

[بقآيآ .. حرف]

عشنا زمان الامس من غير توثيق
وكان الفرح ينطق بصوت الحقيقه
و اليوم نحرق بالصور كل تطبيق
لكن - كواليسه ... محطات ضيقه
خبث ابتسامه - زيفها جفف الريق
تخدع عيون الناس ... لمعة بريقه