(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

كل أحتمالات المحبّه .. / وارده
ماكل مافات بْدروب الحب مات

هبّي يانسمات الحنين البارده
لـ البرد بقلوب الحبايب ذكريات !

[بقآيآ .. حرف]

يــا شبيه البعــد وينــك مختفــي
ويا غريب الفكر شفنـي أحتريـك

لا تقــول إنــك شبعـــت ومكتفـي
موجــع إنــك مكتفــي وانـا ابيـك

[بقآيآ .. حرف]

مغنيني اللہ عن زكـاة المـشـــاعر
والحمد للہ ماعلى حالي قـصـور

أملك شموخ ملوك واحساس شاعر
وسويت لي من عزة النفس دستور

[بقآيآ .. حرف]

ماعمرها جات مره وايدها فاضيه
حتى انها من كرمها شارية لـ كفني
لكنها بالنهاية جابت القاضيه
خلتني أعيش في موطن مهو موطني

بقآيآ .. حرف

[بقآيآ .. حرف]

والله أني على طاري وساع الفجوج
أكبح لجام شعري عن متاهاتها
يا خيولي تعدي واتركي العوج عوج
رغبة النفس تبعد عن ملذاتها

بقآيآ .. حرف

[الركام]

ماودّي اذكر عيوبه واحسب ذنوبه
حتى لو انّه جرح قلبي .. وبكاني !

جعل الله يسامحه و يسمّح دروبه
خلاّني ابيع خِلاّني .... و خَلاّني !

[عايد]

ياحبيبي رضيـت بقسوتـك وانتصـارك
خذعيوني وطن واحكـم رموشـي قبيلـه
احتضن لهفتي يـوم احضنتنـي ديـارك
لك خفيفه مشـت نفس(ن)لغيـرك ثقيلـه
انقش اسمي على دربك وانا امشي مسارك
واكتب العاشـق الصـادق فـؤاده دليلـه
كيف اعيش العذاب برغبتـك واختيـارك
كيف بانسـاك وعيونـي خيالـك تشيلـه
فانتظارك قتلت احلى زمن في انتظـارك
جعلك اكرم مـن ايـام السنيـن البخيلـه
قـل للايـام تضحـك والليالـي تبـارك
التعـب راح لا تبكـي عيونـك رحيلـه
اعتذاري عن اللـي راح قبـل اعتـذارك
اترك اللـي مضـى دام الليالـي طويلـه
يا رفيق التعب يسعـد مسـاك ونهـارك
خذ عيوني وطن واحكم رموشـي قبيلـه

[الركام]

https://t.co/IQpDbnFxMj
-

[بقآيآ .. حرف]

تدفع رياح السؤال اسفارها للخشوع
لكن عين الاجابة ما وراها دعة
.
يا ليتها تدرك الظلما حديث الشموع
ما كان سوت لبيبان السهر زوبعة

[بقآيآ .. حرف]

مابقى في قلبي اصلًا غير وسمك
ولابقت دمعه بغيابك في عيوني

حسّوا ان صوتي حزين و قالوا اسمك
يحسبون انّك معايا ، و جرحوني !