رد اللواء / ضيف الله الذويبي على قصيدتي.......

[نديم المجره]

(قصيدتي)

اهداء إلى سعادة اللواء / ضيف الله بن نايف بن ناهس الذويبي
تقديراً لخدماته الجليله ومواقفه المشرفه مع الجميع
لا والله الا نشف الوقت ريقي = وابوبدر عنـي بعيـدٍ جـنابه
إلى ذكرت ان الذويبي صديقي = اطى على الكايد بليـا مهابـه
عز الله انه عـزوةٍ للرفيقـي = وعز الله انه هقوت اللي هقابه
إلى نخيته جاك يبرق بريقـي = يمطر على الجدبا ويحيي ترابه
يسكر من النخوه وصعبٍ يفيقي = إلين يقضي حاجة اللي انتخابه
وانا اشهد انه للحموله يطيقي = يشيل ما عجزت تشيل القرابه
اقول انا هذا الصديق الحقيقي = اروح لضاق الصدر يم بابـه

احمد بن عبدالرحمن العريفي
(نديم المجره)
..................................

رد سعادة اللواء / ضيف الله بن نايف الذويبي

الجار شـد ولا بغـيـنـا يـغـيـبـي = جارٍ نهج نهج النبي والصحابه

الفرض بالمسجد ولاهو مريبي = حافـظ على دينه وقـاري كـتابه

ابن العريفي نعم من هو قريبي = للخـيـر دله مبعـده عن خــرابه

لا ناقــلٍ نـمـه ولا هـو مـغـيـبـي = ياكـثـر خـيـرٍ يامحمد سـعــابــه

الجـار وصـانا عـليه الحـبـيـبـي = بنص الحديث وكل مسلم درابه

واللي قـهـرني جـد زود لهـيـبي = على الوضع ماينقبل فيه جـابه

ماينشرا بيت الحكومه صعـيبي = والا حرام اروح وادفـع حسابه

اللواء الشاعر/
ضيف الله بن نايف الذويبي

[غانم الضومري]

الله على نديم وابن الذويبـــــي .. الكل منهم ماهر بالكتابـــــه

شعر وشعور وجمعوا كل طيبي .. والكل منهم فيه قدر ومهابه

يروح ذيب الذيب ويعــود ذيبي .. والحارس اصلا من فريق الذيابه


تحيتي لك ياصادق المشاعر .. ويامجرة الشعر والشعور .. أبدعت أيما إبداع ..

وكان الرد من ابو نايف .. بحر جارف تتلاطم أمواجه سحرا وجمالا ..

شيخ شاعر ويغرف من بحر .. وارث الخبره وكملها لواءء

تحيتي

[الركام]

صح لسانك يانديم المجرة وصح لسان ضيف الله الذويبي

[ابن حماد]

هاكذا يصير الوفاء بين اهل الوفاء
صح لسانك يانديم المجره دائم مبدع ومتميز وصح لسان الشاعر اللواء الذويبي

[ذيب آجا]

صح لسانك يانديم ولسان الذويبي..قاف رائع وممتع..ودي