فتل ونقض

[غانم الضومري]

ابو فهد لازم يجي علينا مغيــــر ... نبي قاضي وله التقدير واشواقي

ابو فهد مطلوب ياراع العرض .. لتكتمل كوكبة البراري .. مطلوب .. مطلوب

تحيتي

[راع العرض]

اخوي غانم شايب من الجماعه ولا يعرف النت ولايعرف له

[راع العرض]

المنتدى له ثلاث ايام واربع ليال -

وانا اتفكر وش اللي مطفي انواره


بقول كلمه وانا رجل ماحب الجدال-


المنتدى لاتعفف منه زواره

[راع العرض]

سلامي سلامن نصرفه مثل صرف الشيك
عدد مايلوح البرق ويحن رعادي
ياغانم تخير ناخذ علوم والا اعطيك
انا لي ثمان ليال مارتاح لرقادي

[غانم الضومري]

إفتح لنا بنكك وعطنا من القصايد شيك
مادامني مشغوووووول باجازة اولادي

حاول تسليني وانا احاول اني اسليك
ما دامنا بالبراري كلها عااااااااااادي

[راع العرض]

عسى ربنا ياصاحبي دايم يهنيييييييييك
ويحميك رب الناس من كل حسادي
انا كيف بسلا يابو سامي معك وارضيك
بعد راح خلي وادي ورحت في وادي

[غانم الضومري]

إن كان قلبه بالهــوى حيل مغليك
إقطــع بــدل وادي ثلاثيـــــن وادي

وان كان قصده بالهوى بس يشقيك
ماللنخل بالصيف غيــــر الجــدادي

[غانم الضومري]

ياراعي الفتل والمنقوض .. أفتلك ابيوت وانقضها
وين انت ياراعي المفروض .. لا غبت لازم تعوضها

[راع العرض]

موجود ياراعي المعروض ... تكتب بيوتك والاحضها
ياصاحبي غبت والمفروض..تعرف ظروفي وفارضها

[غانم الضومري]

في مجلس الشعر شفنا نوض .. . شعلل بنفسي وهيضها
يرعد سحابه يقول انهـوض .. كل البراري لا فيضهــــا