يحرم علـى راسـي ليـان المخـده=لين أضرب الغبه ورا كـل غطـاس

[رشيد الهديرس]

بسم الله الرحمن الرحيم

قصيدة مسندة من الشاعر القدير سحمان بن ملحم السبيعي للشاعر القدير حميد الذيابي والمردود عليها
ومجاراة كل من الشعراء
الشاعر القدير عبد الله بن نايف بن عون
والشاعر القدير غازى بن دخيل الله بن عون
والشاعر القدير دسمان بن مناحى السبيعى
والقصائد من الارشيف القديم والمميز

قصيدة الشاعر/ سحمان بن ملحم السبيعي


[poem=font="Traditional Arabic,6,#FF9A00,bold,normal" bkcolor="#090901" bkimage="" border="none,4,#400000" type=0 line=0 align=center use=ex num="0,#400000"]
حميد يا جو ٍعلـى سيـف جـده=خص ٍ ليا ناشه من الغرب نسناس
الموج لـولا أن الحواجـز تـرده=ما ينتهي حتى يسلم على النـاس
يقفي ويقبل بيـن جـزره ومـده=ويرمي عليهم مثل حبات الألماس
يرتاح به من لـه رفيـق يـوده=أيبادله صدق المشاعر والإحساس
حيـدٍ يـذري مـن تـذرا بسـده=قوله وفعله كلهـا ترفـع الـرأس
يا قف معه لمن أشهب الوقت ضده=وقبل الجفاف يناوله بارد الكـأس
ويقضي لزومه قبـل كفـه يمـده=ويعفيه مما يعمس الخّير اعمـاس [/poem]


رد الشاعر / حميد الذيابي العتيبي



[poem=font="Traditional Arabic,6,#FF9A00,bold,normal" bkcolor="#090901" bkimage="" border="none,4,#400000" type=0 line=0 align=center use=ex num="0,#400000"]
حي البيوت اللـي لفـت مستجـده=من واحدٍ شاقه على السيف مجلاس
بعض الذي شافـة عيونـه يعـده=وصفه لما شاهد كما وصف عساس
قاف ٍ بدأ بسمـي فمبـدى مشـده=وكمل وجمل طيب الذكر والسـاس
لعـل حـدات الدهـر مـا تـحـده=ولو حدته يلقى على وصفه أجناس
خطو ابلج ٍ طيبه على طيـب جـده=قد سجلوا فعله على قب الأفـراس
وقـت الرخـا كـلٍ يسـد بمسـده=لكـن فالشـده ينومسـك نومـاس
ما فيه عن ماجوب الإخيـار صـده=تدعيه دعوت والد ادبـاس لدبـاس
حـرٍ يهـدن الطـيـور بمـهـده=في مطرده يلقى العشا عقب الافلاس [/poem]


مجاراة الشاعر / عبد الله بن نايف بن عون



[poem=font="Traditional Arabic,6,#FF9A00,bold,normal" bkcolor="#090901" bkimage="" border="none,4,#400000" type=0 line=0 align=center use=ex num="0,#400000"]
لي خمسة أشهر والقريحة محده=ما دار في بالي للأشعار هوجاس
واليـوم لجلـي كنهـا مستعـده=على مجارى درة ٍ مالها أجناس
يا مسوي الفنجال صبـه وعـده=للي معاريفـه جدايـد و دراس
وعن كف مشهود الوفا لا تصده=يستاهله راس ٍ للأمجاد نبـراس
يا شوق رعبوب ٍ جديلـه يكـده=كنه شليل عبية ٍ عقب مـرواس
ما فالحياة ألا الوفـا و المـوده=ومعاشر الطيب وتجنيب الأنجاس
الطيب ماله عنك يا شيخ صـده=ياطيب ٍ مجدك وطيبك على ساس [/poem]



مجاراة الشاعر / غازي بن دخيل الله بن عون



[poem=font="Traditional Arabic,6,#FF9A00,bold,normal" bkcolor="#090901" bkimage="" border="none,4,#400000" type=0 line=0 align=center use=ex num="0,#400000"]
من عام الأول والمشاعر مصـده=دون الرجاء فالشعر يحتدها اليأس
ولا هي بعن دين الشعر مستـرده=لكن يا سحمان من قـل الأونـاس
من عقب شعر العالـم المستجـده=اللي حنوا رأسه مثل حني الأقواس
إنتاجهم مـا ينحصـي لـو نعـده=وثلاثة أرباعه حبر فوق قرطـاس
وأنا انتباهي نـادر اللـي يشـده=بعد الذهب عوض بقصدير ونحاس
غير الطفوح اللي تشوق المـوده=عزل العقيد أم الجنايب والأجراس
منها المشاعر شوقها وصل حـده=وتبجحت بالربح من عقب الإفلاس
والبحر طرفـه يـوم يمـك يلـده=بعد صدفلك فوق شاطيه مجـلاس
ويوم أن موجه قام يقرب لا بـده=يقول يا بحر الندى جعل ما بـأس
بينك وبينه يا أبـو خالـد مـوده=مـودة ٍ فيهـا معـزه ونومـاس
بالاسم قدك وأنـت بالفعـل قـده=وأنته وهو محد ٍ على ظلكـم داس
ويش القرابة بيـن جـدك وجـده=حتى بقيتوا مثل مـره وجسـاس [/poem]


مجاراة الشاعر / دسمان بن مناحى السبيعي


[poem=font="Traditional Arabic,6,#FF9A00,bold,normal" bkcolor="#090901" bkimage="" border="none,4,#400000" type=0 line=0 align=center use=ex num="0,#400000"]
يحرم علـى راسـي ليـان المخـده=لين أضرب الغبه ورا كـل غطـاس
ما دام فى الطـاروق ضمـه وشـده=نقطف نوامى زمته قطـف بسبـاس
يـا هاجسـي دور فريـده وبــده=وإشرب قراحه قبل صافيه ينحـاس
جنب عن اللـى مـا تبيـه وتعـده=قدام لا تصبح مثـل طابـخ الفـاس
عانق شهاليـل البـرد مـن مهـده=كما يعانـق شـم الاقـذال قرنـاس
من صافـح رمـوز المكـارم بيـده=ما راوده من طيف الاوهام وسواس
ذيب الحجاز وذيـب قـارة مصـده=جتهم ذياب الهضبه اللى لها أرواس
وتجاوبـوا فـى سهلـةٍ مجرهـده=وأنا ضربت أرباع وأخماس وأسداس
وجيت أطمر الجرفان والقاف أفـده=عطشان لمجارا بعيديـن الارمـاس
اللـى مراكيهـم كـبـار الاشــده=وأشبارهم من دفـه المجـد تقتـاس
عيـال روسٍ توصـل العلـم حـده=وأحفاد روسٍ تلبس الجوخ والطاس
أخـذوا زمـام الشعـر ورده ونـده=واللى بقـا شيـحٍ علاويـه يبـاس [/poem]

ارجو ان تنال على رضاكم وستحسانكم والله يحفظكم
اخوكم ابو ياسر

[كمال البدور]

مشكور اخي الحبيب
بس ما في شيء ، لا قصايد ، ولا ابيات للشعراء

[الذعذاع]

مشكوووور أخوي على ذووووقك الرااااقي
نقل جميل جدا لشعاااااار كبار ومبدعين
لاهنت اخوي

[الركام]

شكرا لك على هذا الاختيار الرائع

[المخلص]

سلمت وصح ذوقك على هذه القصائد
الجميله وننتظر المزيد
تقبل مروري
المخلص