الصبر مفتاح الفرج ....

[كمال البدور]

الصبر مفتاح الفرج روح الاعمـال.....الصمت حكمه والتجـارب دواليـل
الدين بلوى والامانـه عـن جبـال.....والعلـم قمـرا والشهـاده قناديـل
احد بنى فـي قمـة المجـد تمثـال.....ن غاب ليلـه يفقدونـه رجاجيـل
واحد يغيب وغيبتـه غيبـة هـلال.....نقصه مثل زوده على النقص تكميل
احد رحل واحد مـن العـام نـزال.....ايـام راحـت والليالـي مقابـيـل
كم واحد مشغول في كسب الامـوال.....عمره فنى مابيـن عملـه وتحويـل
هامور اسهم يحسب الفتـح واقفـال.....بالمحفظه يرصد حسابه بتحصيـل
لاصام لاصلـى ولا عنـدهعيـال.....وان مات خامه والمقابـر منازيـل
واحد على قده يربـي لـه اجيـال.....قضى حياته بيـن دعـوه وتهليـل
بأول حياته شـال واليـوم ينشـال.....يزرع ويحصد بالنهايـه محاصيـل
البارحه عدت همومي علـى البـال.....فكـرت بالدنيـا وشفـت الغرابيـل
وسط الحنايا للـورق ثـار زلـزال.....هز الاصابع للقلم واسـرج الخيـل
شبيت ضوي وابتدى ليـل الامثـال.....وسطرت في جوف المليله معاميـل
وشفيت من كـف التعاليـلفنجـال.....ونزهت نفسي عن حيـاة المهابيـل
بعض المجالس تمتلي سب وخبـال.....الهرج سامج والسوالف غثى سيـل
وبعض المجالس مدرسة علم وافعال.....مدهـال قـوم يحسنـون التعاليـل
يالله يامنـزل تبـارك والانـفـال.....سامع دبيب النمل في ظلمـة الليـل
محيي هشيم القاع من بعد الامحـال.....حامي ركون البيت من صاحب الفيل
جيتك وانا كلـي نـدم راكـع ذال.....ارجوك عفوك يا الهي عـن الميـل
دنيا كفى الله شرهـا مالهـا حـال.....تعطيك ساعه وتحبل لـك محابيـل
غنّت على كـف المقاديـر مـوّال.....كم راح في بطنه رجـال مشاكيـل
تعدنـا عـد المكـايـن للامـيـال.....اجيال بادت وانبعث بعدهـا جيـل
وختامها صلوا على خيـر رجـال.....شفيعنـا يـوم اختـلاف المكاييـل


الشاعر عبد الله الجعيثن

[مزون الغربية]

تسلم يميناك يا ابو سالم على النقل
الراائع والجميل
تقبل تحياتي

[محمد آلحربي]

بارك الله فيك ابو سالم قصيده جميله

[محمد آلحربي]

بارك الله فيك ابو سالم قصيده جميله

[ابو طلال الفيفي]

أحسنت الأختيار الطيب .
صح لسان الشاعر
وسلمت يمناك اخي الفاضل ابوسالم

[أحمد الحربي]

دنيا كفى الله شرهـا مالهـا حـال.....تعطيك ساعه وتحبل لـك محابيـل غنّت على كـف المقاديـر مـوّال.....كم راح في بطنه رجـال مشاكيـل

يعطيييك العافيه على القصيده لا هنت

[كمال البدور]

الاخوة الافاضل
((مزون الغربية ، مكتف النمل ، احمد الحربي ، ضيف الله الفيفي))
اشكركم على مروركم المنور ،
لكم خالص المودة

[الذعذاع]

كما عودتنا اخي الغاااااالي

اختيااااار ينم عن ذوووق رااااقي جدا
كل الود والاحترااااام ابو سالم
لاهنت

[كمال البدور]

المشاركة الأصلية كتبت بواسطة الذعذاع

كما عودتنا اخي الغاااااالي

اختيااااار ينم عن ذوووق رااااقي جدا
كل الود والاحترااااام ابو سالم
لاهنت

هلا وغلا مشرفنا القدير
اشكرك على تنويرك متصفحي
بارك الله فيك ، واشكرك على ذوقك الرفيع