يامن يبشرني بسهيل

[ابو سلطان العتيبي]

[align=center]السلام عليكم ورحمة الله وبركاته

بالله يأاهل الدردشه والمراسيل
رسايل الوتساب وش تاليتها

النا سنه مابين رابط وتـحميل
اليا متى متى وعيوننا فأجهزتهاا

يامن يبشرني متى يطلع سهيل
ونحدد الرحله ونعرف جهتهاااا

حنا طراقي فالحياه ورحاحـيـل
نمسي على البيدا ونصبح تحتهاا

ان ماحصل سجه وخوة رجاجيل
وشهي حياة الادمي وثمرتهاا

لاكن يالله ترحم الارض بالسيل
عـقـب جفاف جبالها واوديتهـا

بالرايحات اللي بخيرك محاميل
اللي لامرت ديرتن سـيلـتهااا

دهمٍ ليا قامت تصب الهماليل
اضفت على كل الديار ابركتها

من غيبة الصفره ليا تالي الليل
ماجـهـت ولاوقـفـت ونـدقـتهاا

مخايل ماهيب مثل المخاييل
يبى يهرجون العرب عن سنتها

تحي العروقٍ اليابساتٍ المذابيل
عقب الدبا اللي دابين فشجرتهاا



منقول[/align]

[تناهيد]

مخايل ماهيب مثل المخاييل
يبى يهرجون العرب عن سنتها

تحي العروقٍ اليابساتٍ المذابيل
عقب الدبا اللي دابين فشجرتها

الله يجيب الخير ويغيث البلاد والعباد
صـح لسـآنك يابوسلطان وطآب منقولك الرآئع
الله يعطيــك العافيه

[عابر سبيل]

الله ..الله
صح لسان شااعرها ونقل مميز لقصيدة رااائعة الف شكر ابوسلطان ويسلم ذووووقك،،،،

[عبدالمحسن الرحمه]

الله يطرح فيه البركة

[سحاب سدير]

امين امين امين
اختيار مميز ابوسلطان
ابيات جميلة تجسد شوق الجميع لسهيل

شكرا لك

[تابع سحاب]

رااااااائع ولك الشكر على الابداع