إن كان ودك جيبك الربع ينجن

[عاشق الجبل]

السلام عليكم ورحمة الله وبركاته



هدية لكم يالغالين . . . آمل أن تنال على رضاكم وهي بمناسبة تركيب مكينة على سيارتي




إن كان ودك جيبك الربــــــع يـنــجن
ويصير عزمه مثـل عزم الوحوشـي


ركب مكينة وأحرص تصيـــر Ls1
عند البطل عبـــدالحكيم البــــــلوشي


وركب لها عامود خلــــــه يــــهيـجن
وخله على باقي المواتر يهوشــــــي


وترى السواقة كلها ذوق مـع فــــن
خلك فطين ولا تصير مخروشــــــــي

وأحفظ أورادك وأترك اللي يدنـــــدن
وأبعد عن اللي ينكبون العفوشــــــي

[nahham]

هههههههههههههههههههههههههه

ابو منصور اثرك تدل المصيف

ماشاء الله عليك

المعنى في بطن الشاعر

[منصور المناع]

وعليكم السلام ورحمة الله وبركاته

اول شي اقول ماشاء الله عليك أخوي أبومنصور

وثاني شي اقول صح الله السانك على هالابداع

واخيرا وليس اخيرا انا بإنتضار كل جديد لك

[عاشق الجبل]

هلا بالشيخ نهام


هو فيه أحد مايعرف المهندس عبدالحكيم اللي بالمصيف ( هذي ثالث سيارة يرهمها لي )


حياك الله أخوي اتيكا . . . وصح لسانك يالغالي

أسعدني مروركم يالغالين

[هيثم المحيلان]

لا إله إلا الله
مشاء الله


صح لسانك يالغالي



مشاء الله
وترنا ننتظر جديدك

[الغربي]

ماشاء تبارك الله


يالله وش رايك نقلبها قلطه بيني وبينك

والصفوف عند اخوي نهام




صح لسانك

[عبدالهادي المفرج التميمي]

إن كان ودك جيبك الربــــــع يـنــجن
ويصير عزمه مثـل عزم الوحوشـي

عشقت الجيوب اللي دوم يسرن
لكن حسافه ياخوي نقصت قروشي

قصيدة جميلة

مشكووووووووووووووووور




سلام

[معدي المرقاب]

ياراعي الجيب القديم المسنن × كم مرة نلقاه فوق الونـــوشـي

اشتر جديد من الوكاله مضمن× من مصنع اليابان ماهوب بوشي




مشكور على القصيده

[عاشق الجبل]

الأخ : القصيم _ الرس . . . صح بدنك وأبشر بالجديد إن شاء الله .




الأخ : راع الغرابه . . . صح بدنك . . . والله مانيب راعي قلطات ياغالي .





الأخ : هادي . . . الجيب يفدى مواطيك لكن خله يطلع



أبشرلك بجيب ٍ جديد مضًمن . . . ماشيف بالتلفاز ولا بالدشوشي







الأخ : معدي المرقاب


اللي يرهم موتـره غصب يشحن
مثــــل الجنايز تـنحمل بالنعوشي


وإلا الجديد لصاحبه غصب يذعن
بداخله ريـــح الحطب و القفوشي

[محمد القحطاني]

بارك الله فيك اخي الكريم

وكم تنمنيت ان اجاريكم بالرد ولكن !!!!!

لك كل شكر زتقدير